АҞӘА, нанҳәа 16 – Sputnik, Роберт Џьапуа. Арыжәтә ыжәны аԥсҟы зкуа, аныҟәара аԥҟарақәа еилазго ирыхәҭоу ашьаус иақәыршәалатәуп, иҳәеит атәыла Ахада.
"Апарламент аусура иалагар ари азҵаара ӡбахароуп. Административтә нырра ҳарактәуп, ашьаусгьы алагалатәуп. Аҽа мҩакы збоны сыҟам", — иҳәеит атәыла Ахада Рауль Ҳаџьымба.
Иара иажәақәа рыла арыжәтә ыжәны, анаркотикатә маҭәашьар злаҵаны аԥсҟы зкуа рыԥсҭазаарагьы егьырҭ ауаа рыԥсҭазаарагьы ашәарҭа иҭадыргылоит.
"Риҵатәи амҩа ауадаҩрақәа зегьы ижәдыруеит. Джиппинг знапы алаку ауаа рныҟәашьа ҳәашьа амам. Иныҟәыргогьы рхаҭақәагьы рыԥсҭазаарақәа ашәарҭа иҭагылоуп. Ас ҟалом", — иҳәеит Ҳаџьымба.
Аԥсны Ахада иҳәеит амҩатә ныҟәара аԥҟаррақәа аекскурсиатә автобусқәа рырныҟәаҩцәагьы ишеиларгало атәы.
