АҞӘА, нанҳәа 16 — Sputnik. Урыстәыла Аладатәи арратә округ арратә база ахысцәа Аԥсны ашьхареи амшынԥшаҳәеи рҟны аҽазыҟаҵарақәа мҩаԥыргоит. Абри атәы аанацҳаит Урыстәыла Аладатәи арратә округ апресс-маҵзура. Арратә ҽазыҟаҵарақәа мҩаԥысуеит аполигонқәа Ҵабали Нагвалоуи рҟны. Урҭ ирылахәхоит 700-ҩык рҟынӡа аррамаҵзурауааи 60 рҟынӡа арратә техникеи.
"Аҽазыҟаҵарақәа раан аррамаҵзурауаа ақәылара, аҽыхьчара ртактика еиӷьыртәуеит, еиӷьыртәуеит аҭыԥ анџьныр ҭаԥшыхәреи анеиааирҭатә маршрутқәеи. Иара убасгьы ашьхареи амшынԥшаҳәеи рҟны аҳауатә жәылара аҿагылареи адиверсиа-ԥшыхәратә гәыԥқәа ржәылареи раанкылашьа азҵаарақәа рыӡбоит", ҳәа арбоуп апресс-маҵзураҟны.
Иара убасгьы ҷыдала азхьаԥшра аҭахоит акомандаҟаҵаратә пунктқәеи ахысырҭатә позициақәеи рырҩашьара.
