Кобахьиа: анаркоманиа аԥыхра ҳҽазаҳшәароуп

© Sputnik / Томас ТхайцукАслан Кобахьиа
Аслан Кобахьиа - Sputnik Аҧсны
Анапаҵаҩра
НовостиTelegram
Аҩаша, нанҳәа 16 рзы Аԥсны Ахада Рауль Ҳаџьымба Ақәҵара инапы аҵеиҩит Аслан Кобахьиа Аԥсны Аԥыза-министр ихаҭыԥуаҩыси Аҩныҵҟатәи аусқәа рминистрси иаҭаразы.

АҞӘА, нанҳәа 17 — Sputnik, Бадраҟ Аҩӡба. Аҩаша, нанҳәа 16 рзы Аԥсны Ахада Рауль Ҳаџьымба Ақәҵара инапы аҵеиҩит Аслан Кобахьиа Аԥсны Аԥыза-министр ихаҭыԥуаҩыси Аҩныҵҟатәи аусқәа рминистрси иаҭаразы. Ахаша, нанҳәа 17 рзы Аҩныҵҟатәи аусқәа рминистр абрифинг мҩаԥигеит.

"Атәыла Ахада иахьа далацәажәон аноркаманиеи анаркотикатә маҭәашьарқәа рыларҵәареи рызҵаара. Иҳәатәуп ишыҟам тәылак, анаркодилер ачын змоу ауаа хылаԥшра ирымҭозар гәырҭынчла дахьынхо", — иҳәеит иара.

Аслан Кобахьиа иазгәеиҭеит атәылаҟны анаркоманиа реиҳа иҵарны иқәгылоу зҵаараны ишыҟоу. Абри аус иаҿагылароуп Аҩныҵҟатәи аусқәа рминистрреиԥш Апрокуратура хадеи Ашәарҭадаратә маҵзуреи ҳәа.

"Атәыла Ахада иҳаиҭаз анапынҵала аплан еиҿаҳкаауеит. Еиуеиԥшым ахырхарҭақәа рыла аусура мҩаԥаҳгоит", — иҳәеит аминистр.

Аминистр инаҵшьны иазгәеиҭеит анаркоманиа егьырҭ ацәгьоурақәагьы шадҳәало.

Ажәабжьқәа зегьы
0