Микрофон  - Sputnik Аҧсны
Арадио

Аркади Џьопуа: Аҳәынҭқарратә музеи ахатә фонд амазар ауп

© Sputnik / Томас ТхайцукАԥснытәи аҳәынҭқарратә музеи аиҳабы Аркади Џьопуа
Аԥснытәи аҳәынҭқарратә музеи аиҳабы Аркади Џьопуа - Sputnik Аҧсны
Анапаҵаҩра
НовостиTelegram
Аԥснытәи аҳәынҭқарратә музеи аиҳабы Аркади Џьопуа еиҭеиҳәеит амузеи аусуреи, есышықәсатәи археологиатә ԥшаарақәеи рылҵшәақәа.

Аԥснытәи аҳәынҭқарратә музеи аҟны еизгоуп шә-нызқь инареиҳаны аекспонатқәа, урҭ рхыԥхьаӡара есышықәса иацлоит археологиатә експедициақәа рылҵшәақәа ирыбзоураны.

"Амузеи аихьӡарақәа маҷымкәа иамоуп, шамахамзар аҟәшақәа рҟны аекспозициақәа реиҿкаара аус цоит. Хымԥада иҳамоуп ауадаҩрақәа, избанзар, ҳусура афинанстә ҭагылазаашьа иадҳәалоуп. Амузеи аҭагылазаашьа убас иҟоуп, еиуеиԥшым аекспонатқәа адәахьынтә иаагатәуп, уи азы иаԥҵатәуп еиуеиԥшым аекспедициақәа, амузеи ахатә машьына амазар ауп. Ак ҳаман, аха уи бжьысит иҳахәо иҟам", — азгәеиҭеит Аркади Џьопуа.

"Атәылауаҩи аиҳабыреи" аҳәынҭқарратә музеи аиҳабы Аркади Џьопуа еиҭеиҳәеит археологиатә ԥшаарақәа рылҵшәақәеи амузеи аусуреи ртәы

Амузеи аусура еиҵазархо аҭагылазаашьа иаарласны иӡбахап ҳәа дақәгәыӷуеит.

"Амузеи иара убас иамазар ауп ахатә фонд", — азгәеиҭеит уи.

Амузеи аҟны афонд аиҿкаара аҭахуп Аԥсны аҭоурых зҳәо аекспонатқәа раахәаразы, ациҵеит Џьопуа.

"Аекспонат змоу ауаҩы ахә умшәакәа иануимҭо ыҟоуп, усҟан аекспертиза ҟаҵаны, иаҭаху аспециалистцәа адгаланы ахәԥса шьақәҳаргылалоит. Аҳәынҭқарра адгаланы амаҭәарқәа анааҳхәо ыҟоуп. Амузеи аҟны иаԥҵоу аҵарауаа рыҟәша, еизаны абри ада ԥсыхәа ҳамаӡам, ҳҭоурых азы акразҵазкуа маҭәаруп анырҳәо, убасҟан ауп ианааҳхәо", — иҳәеит иара. 

Аԥсны анҭыҵ амузеиқәа зегьы зхатәы фонд змам ыҟам, азгәеиҭеит Џьопуа. Аркади Џьопуа игәы иаланы иҳәеит археолог изанааҭ шьҭызхуа аҿарацәа даара имаҷуп иахьазы. 

Ажәабжьқәа зегьы
0