АҞӘА, нанҳәа 30 — Sputnik. Киевтәи иуадаҟны дыԥсны дырбеит урыстәылатәи ажурналист. Ивараҟны ишьҭан иԥсраԥхьа ииҩыз ашәҟәыбӷьыц. Абри атәы ааицҳауеит Киевтәи Амилаҭтә полициа анапхгара хада аиҳабы Александр Кришьченко.
"Аполициа ишьақәнаргылоит ажурналист иԥсра зыхҟьаз. Асудмедексперт заанаҵтәи игәаанагарала иара дыԥсит асааҭ 20.00 21.30 рыбжьара. Иара Урыстәыла датәылауаҩуп. 1962 шықәса рзы диит. Акыршықәса ҵуеит Киев дынхоижьҭеи. Аинтернет ҭыжьымҭа адиректорс дыҟан", аҳәоит адырраҭараҟны.
Аполициаа рыҟны иазгәарҭеит аҭыԥ аҟны атровматикатә тапанчеи иара апатронақәеи шырбаз. Ауада ашә аркын.
Иара убри аамҭазы апортал "Киев Оперативный" Facebook адаҟьаҟны адырра ҟанаҵоит иҭахаз урыстәылатәи ажурналист, амаҵзура "Новый Регион" ашьаҭаркҩы Александр Шьчетинин 28.08.2016 шықәса рзы иуадаҟны дыԥсны дшышьҭаз рбеит имшира идырныҳәаларц уахь инеиз иҩызцәа ҳәа.
