Витали Габниа амемориал аҿаԥхьа ашәҭшьыҵәрақәа шьҭеиҵеит

© Фото : Пресс-Служба Администрации ПрезидентаАҭыԥантәи афото.
Аҭыԥантәи афото. - Sputnik Аҧсны
Анапаҵаҩра
НовостиTelegram
Аԥсны Аҳәынҭқарра аделегациа официалтә визитла Ашьха Ҟарабах иҟоуп.

АҞӘА, цәыббра 2 — Sputnik. Аԥсны Ахада ихаҭыԥуаҩ Витали Габниа аофициалтә визит аҳәаақәа ирҭагӡаны ихы алаирхәит Ашьха-Ҟарабахтәи ареспублика ашьаҭаркра 25-шықәса ахыҵра иазку аныҳәатә уснагӡатәқәа рымҩаԥысра. Абри атәы аанацҳауеит атәыла Ахада иофициалтә саит.

Аделегациа алахәыла, Аԥсны Адәныҟатәи аусқәа рминистр ихаҭыԥуаҩ Кан Ҭаниа иҳәоит:

"Аԥснытәи аделегациа иахьа ара иҟоуп шәныҳәамш шәыцеиҩшаразы. Ҳара агәра аагоит Аԥсни Ашьха Ҟарабахи реиҩызара ԥхьаҟагьы аҿиареи аизҳареи шаиуа. Абри амшныҳәа аҽны ишәзеиӷьасшьарц сҭахуп агәабзиара зҩыда, аизҳазыӷьара, аҭынчра, аилибакаара", — иҳәеит иара.

Аныҳәатә ныҟәара хыркәшахеит Ашьха Ҟарабах аҳҭнықалақь аҿы игылоу, ахақәиҭреи ахьыԥшымреи зхы рықәызҵаз рмемориалтә баҟаҿы ашәҭқәа рышьҭаҵарала.

Сааҭыбжак имҩаԥысуаз аныҟәара рхы аладырхәит быжь-нызқьҩык рҟынӡа ауааԥсыра.

Ашьха-Ҟарабах Ахада Бако Саакиан Аԥснытәи аделегациа ахада Витали Габниа иҭабуп ҳәа иеиҳәеит ауснагӡатә рхы ахьаладырхәыз азы. Иазгәеиҭеит ԥхьаҟагьы аусеицура рыҽшазыршәало.

Аԥснытәи аделегациа иалахәуп иара убасгьы Апарламент адепутат Вагаршак Косиан, Адәныҟатәи аусқәа рминистр ихаҭыԥуаҩ инапынҵақәа назыгӡо Кан Ҭаниа.

Ажәабжьқәа зегьы
0