АҞӘА, цәыббра 13 – Sputnik, Анжелика Бениаԥҳа. Аԥшьбатәи жәларбжьаратәи афестиваь "Органные вечера в Пицунде" мҩаԥысуеит цәыббра 12 — 16 2016 шықәса рзы пицундатәи ауахәама аконцерттә зал аҟны, ҳәа ҳалҳәеит Аԥсны жәлар рартистка Марина Шамԥҳа.
"Есышықәса апрограммақәа ҳаԥсахуеит. Агәаҳәара ҳнаҭоит ауаа агәырӷьара ду раҳҭар ахьҳалшо. Пицундатәи ауахәама аконцерттә зал ахь инаҳаԥхьоит амузыка бзиа избо зегьы", — лҳәеит Шамԥҳа
Жәларбжьаратәи афестиваль аатит Аԥснытәи аҳәынҭқарратә филармониа асолист, жәларбжьаратәи аконкурсқәа рлауреат Лука Гаделиа исолотә концерт ала.
Лука Гаделиа иқәгылара ашьҭахь, иара убри аҽны, асааҭ 20:00 рзы солотә концертла дықәгылеит Алексеи Шмитов.
Цәыббра 13 рзы Пицундатәи ауарӷантә зал аҟны иқәгылоит жәларбжьаратәи аконкурсқәа рлауреатцәа Ирина Розановеи Алексеи Шмитови.
Цәыббра 14 рзы дықәгылоит Наталиа Бакинскаиа, асааҭ 20:00 рзы ауарӷан аирҳәоит Александр Книазев.
Цәыббра 15 рзы – ауарӷанарҳәаҩ Михаил Повали. Асааҭ 20:00 Венатәи ауарӷанарҳәаҩ, Жәларбжьаратәи аконкурсқәа рлауреат Елена Кеилина.
Жәларбжьаратәи афестиваль "Органные вечера в Пицунде" хыркәшахоит цәыббра 17 рзы, Аԥсны жәлар рартистка Марина Шамԥҳа лықәгыларала.
