АҞӘА, цәыббра 13 — Sputnik. Шьамтәыла аамҭала аибашьра аанкылахоит асааҭ 19.00 инаркны. Урыстәылатәи имҩаԥнагеит уи азы иаҭахны иҟаз аҽырхиарақәа зегьы, иаԥнаҵеит аоперативтә гәыԥқәа ахымца аанкылара хылаԥшра арҭаларц. Абри атәы абрифинг аҟны ажурналистцәа иреиҳәеит аинрал-леитинант, Аштаб хада аоперативтә усбарҭа аиҳабы Сергеи Рудскои.
"Иҟоу аилацәажәарақәа рышьҭахь аӡбра рыдкылоуп иахьа асааҭ 19.00 инаркны Шьамтәылатәи ареспублика аҵакырадгьыл зегьы аҟны аибашьра аанкылара арежим хацыркхарц. Урыстәылатәи имҩаԥнагеит уи азы иаҭахны иҟаз аҽырхиарақәа зегьы, иаԥнаҵеит аоперативтә гәыԥқәа ахымца аанкылара хылаԥшра арҭаларц", — иҳәеит аинрал-леитинант, Аштаб хада аоперативтә усбарҭа аиҳабы Сергеи Рудскои.
Рудскои иазгәеиҭеит абри азы Урыстәылатәи Афедерациеи Еиду Америкатәи Аштатқәеи шеилацәажәаз цәыббра 9 2016 рзы Женеватәи аиԥылараан.
Ииасыз ахәашаз Сергеи Лаврови Джон Керри еиацәажәеит цәыббра 12 аҽны инаркны аамҭала ахысрақәа аанкылахарц атеррористцәеи аоппозициеи реилыргаразы.
