Ҳаџьымба Медведев имш иира идиныҳәалеит

© Sputnik / Сергей Гунеев / Амедиаҵәахырҭахь аиасраУрыстәыла аиҳабыра ахада, аполитикатә партиа "Единаиа Россиа" ахада Дмитри Медведев
Урыстәыла аиҳабыра ахада, аполитикатә партиа Единаиа Россиа ахада Дмитри Медведев - Sputnik Аҧсны
Анапаҵаҩра
НовостиTelegram
Урыстәыла аиҳабыра ахада, аполитикатә партиа "Единаиа Россиа" ахада Дмитри Анатоли-иԥа Медведев диит цәыббра 14 1965 шықәса рзы.

АҞӘА, цәыббра 14 — Sputnik. Аԥсны ахада Рауль Ҳаџьымба Урыстәыла аиҳабыра ахада Дмитри Медведев имш иира идиныҳәалеит, абри атәы аҳәоит ахада иофициалтә саит.

Адныҳәаларатә шәҟәы аҿы хаҭала иазааҭгылоуп, Аԥсны инхо ажәлар даара ахә ҳаракны ишыршьо Урыстәылатәи Афедерациа Аԥсны ахьыԥшымра ахьазханаҵаз, Медведев Урыстәыла ахада ҳәа дахьынӡаҟаз.

"Агәра згоит, аиҩызареи аилибакаареи ҳтәылақәа рыбжьара иҟоу ҳаԥхьаҟагьы ус ишаанхо анаҩстәи ҳусеицураан. Ишәзеиӷьасшьар сҭахуп, Дмитри Анатоли-иԥа, агәабзиара, агәамч, имариам шәусураҿы ақәҿиарақәа", — ҳәа аҳәоит аацҳамҭаҿы.

Нанҳәамза 26 2008 шықәсазы Урыстәылатәи Афедерациа ахада Дмитри Медведев иӡбрала Аԥсны Ахьыԥшымра азхаҵахеит.

 

Ажәабжьқәа зегьы
0