Гагратәи араион иазоужьхоит хәышә миллион мааҭ

© SputnikГагра араион аҟны аилацәажәара мҩаԥигеит Аԥсны Аԥыза-министр Беслан Барцыц.
Гагра араион аҟны аилацәажәара мҩаԥигеит Аԥсны Аԥыза-министр Беслан Барцыц. - Sputnik Аҧсны
Анапаҵаҩра
2015-2017 рзтәи Аинвестпрограмма иазкны Гагра араион аҟны аилацәажәара мҩаԥигеит Аԥсны Аԥыза-министр Беслан Барцыц.

АҞӘА, цәыббра 15 – Sputnik, Анжелика Бениаԥҳа. Гагратәи араион аиҭашьақәыргыларазы иазыԥхьагәаҭоуп 493,5 миллион мааҭ. Урҭ сынтәатәи ашықәс иалагӡаны амҩақәа, аенергетика, аҩнеихагылақәа, аӡымҩангагақәа, аӡеиқәыршәагақәа, аканализациа реиҭашьақәыргыларазы иныхтәуп ҳәа азгәеиҭеит 2015-2017 рзтәи Аинвестпрограмма иазкны Гагра араион аҟны аилацәажәара мҩаԥызгаз Аԥсны Аԥыза-министр Беслан Барцыц.

"Иҟоуп ҳазнахаз аусурақәа. Аԥсшьаратә сезон аан иаҳҭахымхеит уи аԥырхагахара. Убри азы "Амшынеиқәафымцамч" аусурақәа ҭагалан ахь иианагеит. Аусутә ахышәа-ҵышәа дууп. Дҵаны иқәҳаргыло акы заҵәык ауп – ахаҭабзиара", — иҳәеит Барцыц.

Аԥсныргылара аиҳабы ихаҭыԥуаҩ Асҭамыр Џьыкырба иажәақәа рыла автомҩақәа рремонт иаҿуп.

"Акурорттә сезон азы арҽеиратә усурақәа ҳрыламгеит. Акапиталтә ремонтқәа рганахьала адокументациа зегьы рхианы иҟоуп. Асезон шаанҵәалак апроектқәа рынагӡара ҳалагоит", — иҳәеит Џьыкырба.

Араион ӡыла аиқәыршәараз иазоужьуп 118 миллион мааҭ аԥара. Апроект аус адулара хыркәшахоит абҵарамзанӡа. Афымцамч аганахьала апроектқәа дрылацәажәеит "Амшынеиқәафымцамч" адиректор хада Аслан Басариа. Ари аусхк азы иазыԥхьагәаҭоуп 231 миллион мааҭ.

Аилацәажәара хыркәшо Аԥыза-министр иҳәеит аусурақәа рынагӡашьа хылаԥшра шаҭахо.

"500 миллион мааҭ ԥара маҷым. Ҳара иҳалшо зегьы ҟаҳҵароуп урҭ ауаа ирнырыртә еиԥш иҟаларц", ҳәа азгәеиҭеит Барцыц.

Ажәабжьқәа зегьы
0