АҞӘА, цәыббра 15 – Sputnik. Роберт Џьапуа. Аԥсны жәлар Рџьынџьтәылатә еибашьра Аиааира Амш иазку автоеиԥхныҩлара "Дорога жизни" мҩаԥысраны иҟоуп цәыббра 29 2016 шықәса рзы. Иара иалахәхо рыӡбахә еиҭарҳәоит ауснагӡатә аиҿкааҩцәа, Аԥсны жәлар Рџьынџьтәылатә еибашьра алахәыла Роин Агрбеи аджипер Сергеи Никитченкои.
Сергеи Никитченко иазыиԥхьаӡоит автоеиԥхныҩлара аибашьра аҭоурых иаднаԥхьалоит ҳәа. Аиҳаракгьы аҿар. Убри азы ауснагӡатә иалахәхоит аҿартә еиҿкаарақәа маҷымкәа.
"Автоеиԥхныҩлара 1992-1993 шықәсқәа рызтәи аибашьра уазхьанарԥшуеит. Зыԥсадгьыл зхы ақәызҵаз абасала ргәаларшәара ҳҽазаҳшәоит", — иҳәеит Никитченко.
"Дорога жизни" хацыркхоит цәыббра 29 2016 рзы. Имҩаԥысуеит ҩымш рыҩныҵҟа. Раԥхьатәи амш азы амашьынақәа рколонна Аӡҩыбжьа ақыҭантәи Очамчыра араион ақыҭақәа ирылсны Тҟәарчалҟа рхы дырхоит.
Аҩбатәи амш азы Аҟәаҟа ихынҳәуеит Аԥсны жәлар Рџьынџьтәылатә еибашьра Аиааира Амшныҳәа ахалархәразы.
