АҞӘА, цәыббра 16 – Sputnik, Роберт Џьопуа. Джопуа. Ҵыԥхтәи акурорттә сезон иадкылан уахәаԥшуазар, сынтәа аԥсшьаҩцәа рхыԥхьаӡара акыр еиҳауп иҳәеит Sputnik аинтервиу аҭо Аԥсны акурортқәеи атуризми рминистр ихаҭыԥуаҩ Асҭамыр Ахба.
"Ари акурорттә сезон иаҳнарбеит коллективла аангыларҭақәа рахь анеира зҭаху еиҳа ишырацәоу. Убас, акурорт Пицунда аҟны уажәы рыԥсы ршьоит 2 500-ҩык ауааԥсыра", — иҳәеит Ахба.
Аминистр ихаҭыԥуаҩ иажәақәа рыла аҳәынҭқарра аминистрра аҿаԥхьа иқәнаргылаз афинанстә дҵақәа рынагӡара иаҿуп.
"Ҵыԥх, аколлективтә ҭыԥқәа рҟны аԥхьара иахылҵны аҳәынҭқарра иаланагалеит 300 миллион мааҭ. Сынтәа ашьҭаларҭатә фонд иазҳаит, алагалақәагьы еиҳа еиҳахоит", — иҳәеит иара. Иара убри аамҭазы Асҭамыр Ахба иазгәеиҭеит сынтәа ахатә сектор шҭәымыз, аиҳарак асезон алагамҭаз.
Сынтәа ԥсшьара ҳәа Аԥсны иаҭааит миллионки 200 нызқьҩык ауааԥсыра.
