АҞӘА, цәыббра 26 – Sputnik. Еизгоу Урыстәылатәи акоманда Торонто имҩаԥысуаз ахоккеи азы адунеи Ахраҿа афиналбжаҟны Канадатәи акоманда иацыхәмаруан. Аиааира ргеит канадатәи акоманда. Абри атәы аанацҳаит Р-Спорт.
Аиԥылара мҩаԥысуан "Эйр Канада-центр" аҟны. Ахәмарра хыркәшахеит 5:3 ҳәа (1:0, 1:2, 3:1) канадаа риааирала.
Амбақәа ҭадыршәит Брэд Маршанд (38-тәи 42-тәи аминуҭқәа), Сидни Кросби (8-тәи аминуҭ), Корри Перри (46-тәи аминуҭ), Джон Таварес (50-тәи аминуҭ). Урыстәылаа рҟынтәи Никита Кучеров (29-тәи аминуҭ), Евгени Кузнецов (37-тәи аминуҭ), Артеми Панарин (60-тәи аминуҭ).
Афинал аҟны Канадатәи акоманда рыцыхәмарраны иҟоуп Европеи Швециеи ркомандақәа рыхәмарра ашьҭахь аиааира зго.
Афинал мҩаԥысраны иҟоуп цәыббра 27, 29 рзы.
