Аџьынџьтәылатә еибашьраҿы иҭахаз ргәаладыршәон Аҟәа

© SputnikАџьынџьтәылатә еибашьраҿы иҭахаз ргәаладыршәон Аҟәа
Аџьынџьтәылатә еибашьраҿы иҭахаз ргәаладыршәон Аҟәа - Sputnik Аҧсны
Анапаҵаҩра
НовостиTelegram
Аԥсны Аҳәынҭқарра Ахьыԥшымреи аԥсуа жәлар Риааиреи Рымш азгәарҭоит Аԥсны.

АҞӘА, цәыббра 30 — Sputnik, Анжелика Бениаԥҳа. Аԥсны Аҳәынҭқарра Ахьыԥшымреи аԥсуа жәлар Риааиреи Рымш азгәарҭоит Аԥсны. Атәыла ауаажәлари асасцәеи ашәҭшьыҵәрақәа шьҭарҵоит Ахьӡ-аԥша Амемориал амҵан.

Гаграа иазгәарҭеит Аиааира 23 шықәса ахыҵра - Sputnik Аҧсны
Гаграа иазгәарҭеит Аиааира 23 шықәса ахыҵра

Сынтәа, раԥхьаӡа акәны абри амш аҽны Аԥсныҟа иааиит Науру аделегациа. Ареспублика Науру Апарламент аиҳабы Бураман Сирил иазгәеиҭеит Аԥсныҟа ҩнтәуп саауеижьҭеи, аха ари Амшныҳәа ду аҽны раԥхьаӡакәны аԥсуа жәлар срывагылоуп ҳәа.

"Сара ҳаҭыр ду рықәысҵоит зхы-зыԥсы иамеигӡакәа зыԥсадгьыл зыхьчаз ауаа", — иҳәоит иара.

Аибашьҩы, абаталион "Горец" алахәыла Тото Аџьапуа еиҭеиҳәеит ақырҭуа-аԥсуа еибашьраан Ахбиук ашьхаҟны ишҭахаз иашьеи иԥеи.

"Ареспубликаҟны иҟам ҭаацәарак ацәыӡ дызмауз, абри аныҳәа згәы зыхьуа иаԥымло. Аха иҭахаз ԥсит ҳәа ҳазҳәаӡом, урҭ наӡаӡа рыжәлар ргәалашәараҟны иҟоуп. Сара исҭахуп аибашьраан иҳамаз аидгылареи аиҩызареи ахааназ имыӡырц", — иҳәеит иара.

413 мши-ҵхи ицоз Аџьынџьтәылатә еибашьра иааирала ихыркәшахеит. Цәыббра 30 1993 шықәса рзы Аԥсны ахы-аҵыхәа аӷа дықәцахеит. Иҭахеит аԥсадгьыл иреиӷьыз аԥацәеи аԥҳацәеи.

Ажәабжьқәа зегьы
0