АҞӘА, жьҭаара 3 – Sputnik, Бадри Есиава. Ҟарачы-Черқьессктәи Ареспублика Ахада Рашид Темрезов асабша, жьҭаара аказы Аҟәатәи аҩы зауад даҭааит.
Асасцәа азауад иныҩныга-ааҩныганы идирбеит азауад аусзуҩ Валери Аҩӡба.
"Сынтәа ҳара 24 миллион инареиҳаны ԥаҭлика аҩы ҭаҳҭәеит аекспорт азы. Ҳаалыҵ еиҳарак иахьцо Урыстәыла ауп", — иҳәеит иара.
Рашид Темрезов иибаз даара игәаԥхеит. Иара дазҵааит аҩы злырхуа иарбан жьы хку ҳәа, иара убасгьы аҩыҟаҵашьа атехнологиа дазҵааит.
Аҩы зауад аусзуҩцәа асасцәа зинтерес рымаз азҵаарақәа зегьы рҭак ҟарҵеит, асасцәа ацехқәа зегьы ддырбеит.
Рашид Темрезов Sputnik акорреспондент иеиҳәеит ара рхы иадырхәо атехнологиақәа, иара убасгьы азауад иахьаҵанакуа иҟоу ацқьареи аиҿкаареи шигәаԥхаз. Иазгәеиҭеит Ҟарачы-Черқьесск ажь шымиуа.
Рашид Темрезов зхадараҟны дыҟаз Ҟарачы-Черқьессктәи Ареспублика аделегациа мышктәи усутә визитла Аԥсны иҟан.
Асасцәа идикылеит Аԥсны Ахада Рауль Ҳаџьымба.
