АҞӘА, жьҭаара 3 —Sputnik. Урыстәыла Шьамтәылан имҩаԥнаго арратә операциақәа шықәсык рхыҵра инадҳәаланы Шьамтәыла Адәныҟатәи аусқәа рминистрра иазгәанаҭеит Урыстәыла атеррористцәа рырԥсыҽра иацхрааит ҳәа. Абри атәы аанацҳаит РИА Новости.
"Урыстәылеи Шьамтәылеи еицымҩаԥырго аоперациақәа хра змоу алҵшәақәа аадырԥшит ИГИЛ-и "Джебхат-ан-Нусреи" рҿагылараҟны", ҳәа азгәарҭоит Шьамтәыла Адәныҟатәи аусқәа рминистрраҟны.
Шьамтәыла Адәныҟатәи аусқәа рминистрра Урыстәыла ҭабуп ҳәа анаҳәоит арратә операциақәа раан адагьы аполитикатә аренаҟны иҟанаҵо адгыларазгьы.
Шьамтәыла бџьаршьҭыхлатәи аиҿагылара цоит 2011 шықәса хәажәкырамза аахыс. ООН адыррақәа рыла убри аахыс иҭахахьеит 220 нызқьҩыуаак ауааԥсыра. Цәыббра 30 2015 шықәса рзы Шьамтәыла Ахада Башар Асад иҟаиҵаз аҳәарала Урыстәыла атеррористцәа рбазақәа аҳауаҟынтә аахақәа рырҭо иалагеит.
Иахьагьы аус ауеит авиабаза Хмеимим. Шьамтәыла игылоуп аҳауатә-ҽыхьчаратә комплексқәа "Панцирь", С-400.
