АҞӘА, жьҭаара 4 — Sputnik, Бадри Есиава. Аԥсны Аминистрцәа Реилазаара аилатәара мҩаԥнагеит жьҭаара 4 рзы. Аилатәараҟны ирыдыркылеит 2017 шықәсанӡа асоциал-економикатә индикативтә план. Аекономика аминистр ихаҭыԥуаҩ Баҭал Ҭарба иажәақәа рыла апроект аус адулан атәыла анаплакқәеи аиҿкаарақәеи рырбагақәа шьаҭаны иҟаҵаны.
"2017 шықәсазтәи аусурақәеи амаҵзурақәеи, атауарааглыхреи ркомплекс ахышәа-ҵышәа 88,8 миллиард мааҭ шьақәнартәоит. Уи 5,5 миллиард рыла еиҳауп 2016 шықәсазтәи арбагақәа раасҭа", — иҳәеит Ҭарба.
Адәныҟаполитикатә рбагақәа ишьақәдыртәараны иҟоуп 27, 9 миллиард мааҭ. Аекономика аминистрра азыԥхьагәаҭарақәа рыла аимпорт 9, 1 % рыла еиҵахароуп, аекспорт – 67, 3 %, ацлароуп.
2017 шықәсанӡа асоциал-економикатә индикативтә план иаларцәажәоуп иара ззырхоу аиҿкаарақәа.
