Даур Ақаҩба Адәныҟатәи аусқәа рминистрс дҟаҵоуп

© Sputnik / Томас ТхайцукДаур Ақаҩба Адәныҟатәи аусқәа рминистрс дҟаҵоуп
Даур Ақаҩба Адәныҟатәи аусқәа рминистрс дҟаҵоуп - Sputnik Аҧсны
Анапаҵаҩра
Даур Ақаҩба 2014 шықәса раахыс Аԥсны Ахада Иусбарҭа апротокол аҟәша аиҳабыс дыҟан.

АҞӘА, жьҭаара 5 – Sputnik. Аԥны Ахада Рауль Ҳаџьымба Адҵа инапы аҵаиҩит Даур Ақаҩба Адәныҟатәи аусқәа рминистрс дҟаҵазарц. Абри атәы аанацҳауеит атәыла Ахада иофициалтә саит.

Аԥсны Адәныҟатәи аусқәа рминистр инапынҵақәа назыгӡоз Виачеслав Чрыгба аҳәамҭа ҟаиҵеит цәыббра 20 рзы иҟоу аҭагылазаашьаҟны аус зуртәеиԥш избом ҳәа.

Атәыла Ахада Иусбарҭа уи инақәырццакны аҭак ҳәамҭа ҟанаҵеит Аԥсны Адәныҟатәи аусқәа рминистр инапынҵақәа назыгӡоз Виачеслав Чрыгба еиҭашьақәырӷәӷәара мҩаԥгам, избанзар иара Аԥснытәи аделегациа Приднестровиаҟа рцараан рнапхгара мап ацәикит ҳәа.

Аусбарҭа аҳәамҭаҟны иазгәаҭоуп Адәныҟатәи аусқәа рминистрра анапхгара аԥсахра ԥырхаганы ишыҟамло атәыла адәныҟатә политика амҩаԥгаразы.

2000 шықәса рзы Даур Ақаҩба далгеит Башкириатәи Аҳәынҭқарратә университет.

2012 — 2014 шықәсқәа рзы аус иуан Икоммерциатәым Афонд "Институт Евразийских исследований" Аԥснытәи афилиал адиректор ихаҭыԥуаҩыс. 2014 шықәса абҵарамза аахыс Аԥсны Ахада Иусбарҭа апротокол аҟәша деиҳабын.

Ажәабжьқәа зегьы
0