Джефф Монсон Аԥсны аҳаҭыр тәылауаҩс дҟалеит

© Sputnik / Бадрак АвидзбаАԥсны Ахада Рауль Ҳаџьымбеи аспортсмен Джефф Монсони еиԥылеит.
Аԥсны Ахада Рауль Ҳаџьымбеи аспортсмен Джефф Монсони еиԥылеит. - Sputnik Аҧсны
Анапаҵаҩра
НовостиTelegram
Octagon Fighting Sensation (OFS) Аԥсны Аҳәынҭқарра аиҳабыра рыдгыларала аԥшьаша, жьҭаара 6 рзы имҩаԥнагоит еилаԥсоу ақәԥаразы ажәбатәи атурнир.

АҞӘА, жьҭаара 6 — Sputnik, Бадраҟ Аҩӡба. Аԥсны Ахада Рауль Ҳаџьымба "Аԥсны Аҳәынҭқарра Аҳаҭыр тәылауаҩ" ҳәа ахьӡ ииҭеит аспортсмен Джефф Монсон.

Ари аҩыза аҳаҭыртә хьӡы Монсон ианашьан: "Амилаҭқәа рхатәхалаҳәаақәҵареи рхьыԥшымреи рзы ирымоу азин ахьчаразы илагала дуқәа рзы".

"Ианалшо телехәаԥшрала сахәаԥшуеит еилаԥсоу ақәԥаразы аиндаҭларақәа. Шәара шәызлахәқәоугьы. Оумашәа избоит абриаҟара ааха уоуны, нас абасеиԥш ууаҩ гәҭынчны уаанхара шалшо", — иҳәеит атәыла Ахада.

Джефф Монсон иазгәеиҭеит Аԥсны имҩаԥысуа аспорттә турнир дахьалахәу агәахәара шинаҭо.

Аԥсны имҩаԥысуеит еилаԥсоу ақәԥарақәа рзы атурнир - Sputnik Аҧсны
Аԥсны имҩаԥысуеит еилаԥсоу ақәԥарақәа рзы атурнир

"Аспорт еснагь ауаа еиднакылоит. Сара сеигәырӷьоит ара имҩаԥысуа ауснагӡатәқәа сахьрылахәу", — иҳәеит Джефф Монсон.

Атурнир алахәрадагьы иара арахь дааит адунеи аҟны Аԥсны аимидж рылаирҵәаларц.

Оctagon Fighting Sensation (OFS) Аԥсны анапхгара рыдгыларала аԥшьаша, жьҭаара 6 рзы имҩаԥнагоит еилаԥсоу ақәԥараазы атурнир "OFS-9". Атурнир "OFS-9" алахәылацәа рыкапаншьақәыргылара мҩаԥысит Аҟәа, ахаша, жьҭаара 5 рзы. 70 инаркны 112 кьыла рҟынӡа зкапануа рыбжьара еиндаҭлараны иҟоуп Урыстәыла, Кыргызстан, Таджикистан, Донецктәи

Жәлар Рреспублика, Аҩадатәи Уаԥстәыла, Афганистан, Бразилиа, Ермантәыла, Аԥсны рҟынтәи аспортсменцәа 24-ҩык.

"OFS" ачемпионразы аиндаҭлара мҩаԥыргоит ауаԥс спортсмен, адунеии Европеи рчемпион Алиар "Тигр" Саркеровы Бразилиатәи аспортсмен Мадриссио Мачадеи рыбжьара.

Ахәаԥшцәа рзы аинтерес аиураны иҟоуп джиу-джитсу азы адунеи ачемпион Джефф Монсони Леван Берсаевы рыбжьара аиндаҭлара.

Ажәабжьқәа зегьы
0