Аҳәааҟны автомашьынатә еишьҭагылақәа акыр ирызҳаит

© Sputnik Томас ТхайцукАҳәаа Архивтә фото
Аҳәаа Архивтә фото - Sputnik Аҧсны
Анапаҵаҩра
Yandex newsTelegram
2016 шықәса рзы 5-нтә рыла аҳәааҟны еизҳаит автомашьынақәа реишьҭагыла.

АҞӘА, жьҭаара 11 — Sputnik. 900 нызқь рҟынӡа автомашьына аурыс-аԥсуа ҳәаа иахысит 2016 шықәса лаҵарамза инаркны цәыббрамзанӡа. Уи ҵыԥхтәи ашықәс иадкылан уахәаԥшуазар 10% рыла еиҳауп, ҳәа аанацҳауеит Краснодартәи атәылаҿацә иатәу Урыстәылатәи Афедерациа Афедералтә шәарҭадаратә маҵзура Аҳәаахьчаратә усбарҭа апресс-маҵзура.

"900 нызқь рҟынӡа автомашьына аурыс-аԥсуа ҳәаа иахысит 2016 шықәса лаҵарамза инаркны цәыббрамзанӡа. Уи ҵыԥхтәи ашықәс иадкылан уахәаԥшуазар 10% рыла еиҳауп", ҳәа азгәаҭоуп Урыстәылатәи Афедерациа Афедералтә шәарҭадаратә маҵзура Аҳәаахьчаратә усбарҭа апресс-маҵзура аҳәамҭаҟны.

Иара убасгьы еизҳаит аҳәаа иахысуа ауаатәыҩса рхыԥхьаӡарагьы. Лаҵарамза инаркны цәыббрамзанӡа аҳәаа иахысит 5,5 миллионҩык ауааԥсыра. Ари ҵыԥхтәи асезон иадукылозар, 350 нызқьҩык рыла еиҳауп. Аиҳарак ауааԥсыреи автомашьынақәеи рхыԥхьаӡара рацәан нанҳәамзазы. Ес-уахи-ҽни аҳәаахьчаҩцәа иазгәарҭон 55 нызқьҩык рҟынӡа ауааԥсыра аҳәаа рахысра.

"Иахьазы уахыки-ҽнаки рыла аҳәаа иахысуа рхыԥхьаӡара 30 нызқьҩык иреиҳам", ҳәа арбоуп аусбарҭа аҳәамҭаҟны.

Аха лассы аушьҭырҭатә пункт "Адлер" аҟны уи ахыԥхьаӡара акыр еиҳахар алшоит, ацитрустә сезон алагара инадҳәаланы.

Ажәабжьқәа зегьы
0