"Рождество в доме Купьелло" адраматә театр асценаҟны

© Sputnik / Томас Тхайцук"Рождество в доме Купьелло" апремиераԥхьатә рбара мҩаԥысит
Рождество в доме Купьелло апремиераԥхьатә рбара мҩаԥысит - Sputnik Аҧсны
Анапаҵаҩра
НовостиTelegram
Аспектакль "Рождество в доме Купьелло" апремиераԥхьатә рбара мҩаԥысит Аурыс драматә театр асценаҟны жьҭаара 18 рзы.

АҞӘА, жьҭаара 19 – Sputnik, Анжелика Бениаԥҳа. Қьырсаныҳәатә лакә "Рождество в доме Купьелло" иҩит италиатәи акомедиограф Едуардо де Филиппо. Уи иалхыз аспектакль ықәдыргылеит Аурыс драматә театр артистцәа. Аспектакль апремиераԥхьа мҩаԥысит жьҭаара 18 рзы.

Ҩ-сааҭк инарзынаԥшуа ахәаԥшцәа ирбон италиатәи ҭаацәарак рынхашьа-рынҵышьа, рыԥсҭазаара.

Апиеса акыр ишлахьеиқәҵагоугьы аиумор рацәаны иаҵоуп. Ароль хадақәа ируаку, Дона Кунче лроль дыхәмаруан Анна Гериугиан.

Артистка лажәақәа рыла ароль анагӡара лцәыуадаҩуп избанзар лфырԥҳәыс лхьаақәа зегьы лхахьы иганы дыхәмаруан.

"Сара сфырԥҳәыс даара дҳалалуп. Лҭаацәагьы ҭаацәа бзиоуп, аха аманшәалара рыгуп. Сара раԥхьаӡа акәны асеиԥш ароль насыгӡоит. Даара аинтерес аҵоуп. Сара сфырԥҳәыс дагьрыцҳасшьоит, бзиагьы дызбоит. Даара исҭахуп ахәаԥшыҩцәагьы бзиа дырбар", — лҳәоит актриса.

"Рождество в доме Купьелло" ақәыргылаҩ, арежиссиор Андреи Тимошенко иазгәеиҭеит аспектакль ақәра рацәа ннаҵырц шиҭаху.

"Исҭахуп Аԥсны иқәынхо зегьы аспектакль ахәаԥшра рылшарц. Сара сусура сацәыԥхашьо сыҟам. Агәра шәсыргоит аспектакль Аԥсынгьы, Аԥсны анҭыҵгьы идҳарбартә ишыҟоу. Атеатр агастрольқәа мҩаԥнагалароуп", — иҳәеит иара.

Арежиссиор иажәақәа рыла атеатр аҷыда ҟазшьа амоуп. Уи ауп иаргьы дхызхыз.

"Сара арахь санаауаз атеатр сыздырамызт. Аха ара санаа избеит актиорцәа аусура рҭахны ишыҟоу. Уи аҟазшьа ссируп. Саргьы схы-сгәы азҭалеит", — иҳәоит арежиссиор.

Аспектакль адекорациақәа аԥиҵеит атеатр асахьаҭыхыҩ хада Витали Қацәба.

Акостиумқәа лӡахит Стелла Ампар, лашарала еиқәлыршәеит Ольга Равич. Равич — атеатрқәа: "Школа драматического искусства" аҿи "Сатирикон" аҿи Москва аус луеит.

Аспектакль "Рождество в доме Купьелло", атеатр асезон ҿыц аанартуеит. Асезон аартра мҩаԥысуеит жьҭаара 19 рзы.

Ажәабжьқәа зегьы
0