Кьылба: ателерадиоеилахәыра аҵакырадгьыл аҟны иҭахаз ауаҩы аҩызцәа имазар алшоит

© Sputnik / Бадрак АвидзбаАԥсны Ашәарҭадаратә Хеилак амаӡаныҟәгаҩ Муҳамед Кьылба
Аԥсны Ашәарҭадаратә Хеилак амаӡаныҟәгаҩ Муҳамед Кьылба - Sputnik Аҧсны
Анапаҵаҩра
НовостиTelegram
Аԥсны Ашәарҭадаратә Хеилак амаӡаныҟәгаҩ Муҳамед Кьылба иҳәеит аԥснытәи аоперативникцәа Ростовтәи аобласт аҟны аусурақәа шымҩаԥырго ателерадиоеилахәыра аҵакырадгьыл аҟны иҭахаз ауаҩы икәша-мыкәша иҟаз ауаа реилкааразы.

АҞӘА, жьҭаара 25 – Sputnik, Бадраҟ Аҩӡба. Аԥсны Ашәарҭадаратә Хеилак амаӡаныҟәгаҩ Муҳамед Кьылба иҳәеит аԥснытәи аоперативникцәа Ростовтәи аобласт аҟны аусурақәа шымҩаԥырго ателерадиоеилахәыра аҵакырадгьыл аҟны иҭахаз ауаҩы икәша-мыкәша иҟаз ауаа реилкааразы ҳәа Sputnik акорреспондент иеиҳәеит.

"Ацәгьоура аҭыԥ аҟны иԥшааз атехникатә мыругақәа аус рыдулара иаҿуп. Аусурақәа алҵшәа бзиақәа ҳарҭеит ҳәа уҳәар алшоит. Ҳоперативникцәа Ростов иҟоуп. Уаҟа дара ателерадиоеилахәыра аҵакырадгьыл аҟны иҭахаз ауаҩы икәша-мыкәша иҟаз ауаа реилкааразы аҭҵаарақәа мҩаԥыргоит", — иҳәеит иара.

Аԥснытәи Аҳәынҭқарратә телерадиоеилахәыра аҵакырадгьыл иахьаҵанакуа жьҭаара 17, ашьыжь асааҭ быжьба рзы аԥжәара ҟалеит.

Ажәабжьқәа зегьы
0