АҞӘА, абҵара 2 – Sputnik. Аԥсны Ахада Рауль Ҳаџьымба иҟаиҵаз Адҵа инақәыршәаны, Ашәахтәқәеи аизгақәеи рзы министрс Даур Кәырмазиа дҟаҵоуп. Абри атәы аанацҳауеит Аԥсны Ахада иофициалтә саит.
Уаанӡа атәыла Ахада абри аҭыԥ аҟынтәи ихы дақәиҭитәит уаанӡатәи аминистр Рауф Цымцба.
Рауль Ҳаџьымба иажәақәа рыла Рауф Цымцба иамхра адҳәалоуп Аминистрцәа Реилазаараҟны иҟалараны иҟоу аиҭакрақәа.
Атәыла Ахада Рауф Цымцба иҭабуп ҳәа иеиҳәеит имҩаԥигоз аусуразы.
