АҞӘА, абҵара 3 — Sputnik, Рада Ажьиԥҳа. Ареспубликатә хәышәтәырҭа ахшараиурҭа аҟәшаҿы иҟоу аҭагылазаашьа иалацәажәон Агәабзиарахьчара аминистрра ахаҭарнакцәа ахаша, абҵара 2 рзы имҩаԥыргаз абрифинг аан.
Ахшараиурҭатә ҩнаҟны аинфекциа аҟазаара еилкаахоит егьи амчыбжь азы лҳәеит Аҟәа ақалақьи Аҟәа араиони рсанитартә ҳақьым хада Алла Белиаева абрифинг аҟны.
"Аҟәатәи ахшараиурҭаҟны аҭәаиаҵәатә палочка ыҟоуп ҳәа макьаназы ашьақәырӷәӷәара иашам. Раԥхьатәи алкаақәа ахәаша иҳауеит, аҵыхәтәантәи аихшьаалақәа ҟалоит иааиуа амчыбжь азы. Ареспубликатә санепидемиатә станциа шәкы инареиҳаны анализ мҩаԥыргахьеит", — лҳәеит Белиаева.
Аҳақьым лажәақәа рыла ахшараиурҭахь иаанаго аҳәсақәагьы аинфекциа ныҟәыргозар алшоит.
"Амикробқәа хшараиурҭаҿы иҟамкәа иҟалаӡом", — лҳәеит лара.
Аинфекциа аҟазааразы аҵыхәтәантәи анализқәа ган жьҭаара 17 рзы. Аинфекциа ыҟам ҳәа ишьақәыргылан.
2016 шықәса рзы Аҟәатәи ахшараиурҭатә ҩнаҟны рыԥсҭазаара иалҵит хәҩык ахәыҷқәа, иара убри аҟара ахәыҷтәы хәышәтәырҭаҿгьы.
