АҞӘА, абҵара 3 – Sputnik. Урыстәыла гәҭакны иамоуп ԥхьаҟагьы жәларбжьаратәи аренаҟны Аԥсны адгылара анаҭаларц иҳәеит Урыстәыла Адәныҟатәи аусқәа рминистр Сергеи Лавров, Аԥсны Адәныҟатәи аусқәа рминистр Даур Ақаҩбеи иареи реиҿцәажәара аартуа.
"Ҳара гәҭакны иамоуп ԥхьаҟагьы жәларбжьаратәи аренаҟны Аԥсны адгылара аҳҭаларц, ҳазыԥшуп Женеватәи аиԥыларақәа рҳәаақәа ирҭагӡаны еиҳа еицҿакрыла аусура, аиҳаракгьы амч ахамырхәара азакәан ҵаҵӷәы аҭара аус аҟны", — иҳәеит Лавров.
Лавров иара убасгьы иазгәеиҭеит абҵара 9 рзы Аҟәаҟа ишаауа женеватәи аиҿцәажәарақәа ирылахәу абжьаҟазацәа рделегациа.
Даур Ақаҩба Москваҟа дцеит атәылақәа рыбжьара аизыҟазаашьақәа рызҵаарақәеи Аԥсны жәларбжьаратәи апозициақәа ртематикеи рылацәажәаразы.
