АҞӘА, абҵара 21 – Sputnik, Бадраҟ Аҩӡба. Аԥсны Ахада Рауль Ҳаџьымба диԥылеит Орелтәи аобласт агубернатор Вадим Потомски. Аиԥылараан дара алацәажәеит акоммуналтә техника Аԥсныҟа аагара.
Акоммуналтә техника Аԥсныҟа аагараиалацәажәан уаанӡагьы, 2016 шықәса лаҵарамзазы, Аԥснытәи аделегациа усутә визитла аобласт иаҭаан ианыҟаз.
"Сгәы иаанагоит ҳаизыҟазаашьақәа аинтенсивтә ҟазшьа рыманы иҿиалап ҳәа", — иҳәеит Аԥсны Ахада Рауль Ҳаџьымба.
Орелтәи аобласт агубернатор иакәзар иазгәеиҭеит ишазыхиоу ишалшо ала еизааигәаны аусеицура.
"Ҳара акоммуналтә техника ҭҳажьуеит. Иазхәыцтәуп Аԥсназы ихымԥадатәиу атехника", — иҳәеит Потомски.
Аԥсны Ахада иазгәеиҭеит атәыла аиҳабыра анапынҵа шрыҭоу абри азҵаара аус адуларазы. Иҳәеит дышгәыӷуа иҟоу аиқәшаҳаҭрақәа зегьы хра рыманы ишынагӡахо азы.
