АҞӘА, абҵара 23 — Sputnik, Рада Ажьиԥҳа. Аԥсны Аминистрцәа Реилазаара аилатәаарҟны абҵара 23 рзы Аԥыза-министр Беслан Барцыц иҳәеит Амҩатә фонд абиуџьет 14 миллион рыла еиҳахеит ҳәа.
Абиуџьеттә фонд анагӡаратә директор Зураб Хәарцкьиа иҳәеит афонд ашықәстә биуџьет 55 миллион мааҭ артәоит ҳәа.
"2016 шықәса рыҩныҵҟа Амҩатә фонд алагаларатә хәҭеиԥш аныхратә хәҭалагьы аплан нанагӡеит. Аиҳарак аԥсабаратә рыцҳарақәа иҳазцәырыргаз аԥхасҭа аԥыхразы аусурақәа ирыхҭнаҳҵеит", — иҳәеит Хәарцкьиа.
Амҩатә фонд азы Азакәан рыдкылан 2010 шықәса рзы.
