Ҭыжәба: аибарххара аиҿагыларахь ҳнанагар алшоит

© Sputnik Авидзба БадракАуаажәларратә еиҿкаара "Ҳаамҭазтәи Аԥсны" ахантәаҩы Иракли Ҭыжәба
Ауаажәларратә еиҿкаара Ҳаамҭазтәи Аԥсны ахантәаҩы Иракли Ҭыжәба - Sputnik Аҧсны
Анапаҵаҩра
Астол гьежь "Общественно-политическая ситуация в стране - пути выхода из кризиса" мҩаԥысит Аҟәа, аҩаша.

АҞӘА, абҵара 23 – Sputnik, Бадраҟ Аҩӡба. Астол гьежь "Общественно-политическая ситуация в стране — пути выхода из кризиса" мҩаԥысит Аҟәа, аҩаша. Аԥсны аполитикатә идеиақәа реиҿагылара ыҟам, иҳәеит астол гьежь аҟны ауаажәларратә еиҿкаара "Ҳаамҭазтәи Аԥсны" ахантәаҩы Иракли Ҭыжәба.

"Иахьа амчра ахархәароуп ихадараны ирбоу. Аибарххара аиҿагыраҵәҟьахь ҳнанагар алшоит. Убриазоуп иахьа абра ҳзеизаз – аиҿкаарақәа зегьы рхаҭарнакцәа ирҳәарц ирҭаху рҳәарц", — иҳәеит Ҭыжәба.

Аполитикатә партиа "Народный Фронт Абхазии за справедливость и развитие" ахаҭарнак Илиа Шаданиа иазгәеиҭеит амчреи аоппозициеи реизыҟазаашьа иконструктивтәым аҟазшьа амоуп ҳәа.

"Ажәлар еиҟәшоуп. Ԥхьаҟа ҳазнылаша амҩа дасу ишиҭаху ибоит", — иҳәеит Шаданиа, иагьазгәеиҭеит аоппозициа атәыла Ахада Урыстәылеи Аԥсни реизыҟазаашьа еицәахеит, ареформақәа мҩаԥымгахеит, ажәлар узеидымкылеит ҳәа вбаны иширҭо.

"Убри аан абзиеи ацәгьеи шеибакапануа иахәаԥшлатәуп. Иазгәаҭатәуп аҵара аусхк аҟны имҩаԥго ареформақәа, ашәахтә система аиӷьтәра, амҩақәа рыҟаҵара, егьырҭ еиуеиԥшым асоциал ҵакы змоу апроектқәа", — иҳәеит иара.

Илиа Шаданиа инаҵшьны иазгәеиҭеит апартиа "Народный Фронт Абхазии за справедливость и развитие" ишагәҭаку амчреи аоппозициеи реиҿарцәажәара, "ажәлар ракзаара аиҳабыра" аԥҵара.

Шаданиа иҳәеит амчреи аоппозициеи рдиалог альтернативак аманы ишыҟам.

Астол гьыжь "Общественно-политическая ситуация в стране — пути выхода из кризиса" еиҿыркааит аполитикатә партиақәа: "Народный Фронт Абхазии за справедливость и развитие", "Демократическая Абхазия", "Современная Абхазия".

Ажәабжьқәа зегьы
0