АҞӘА, абҵара 25 – Sputnik, Владимир Бегунов. Акинофестиваль "Кунаки" апрезидент Сулиета Кусова-Чухо ашколхәыҷқәа рахь ааԥхьара ҟалҵеит ҽааны иҟалараны иҟоу аноминациазы ателефонқәа рҟны акино ҭырхларц.
"Сынтәа афестиваль аҟны ашколхәыҷқәа ыҟан. Урҭи ҳареи ҳаицәажәара ашьҭахь иҳаӡбеит ателефон ала иҭыху афильмқәа рноминациа еиҿаҳкаарц" — лҳәеит афестиваль аркра ахәылԥаз аан Акинофестиваль "Кунаки" апрезидент Сулиета Кусова-Чухо.
Лара лажәақәа рыла асеиԥш иҟоу афильмқәа рыдкыларазы аԥҟаррақәа ринформациа иаарласны ицәыргахоит афестиваль "Кунаки" аофициалтә саит аҟны.
Акинофестиваль "Кунаки" еиҿкаан 2007 шықәса рзы Дагомыс имҩаԥысуаз Урыстәыла ажурналистцәа рфорум аҟны. 2014 шықәса рзы афестиваль раԥхьаӡа акәны Аҟәа имҩаԥган.
