Аспектакль "Шьапыла" аԥсуа ахәаԥшыҩцәа раԥхьаӡа акәны, ҳәа иҳәеит атеатр асахьаркыратә напхгаҩы, аспектакль "Шьапыла" ақәыргылаҩ Валери Ақаҩба.
Польшатәи ашәҟәыҩҩы Славомир Мрожек ипиесаҟны аҩбатәи адунеизегьтәи аибашьра анҵәамҭеи аполитикатә система ихацнаркыз аибашьреи, ирыбжьанакыз аамҭеи раарԥшра иҽазишәеит.
Аспектакль ақәыргылаҩ иажәақәа рыла, апиеса ақәыргыларазы аусурақәа ҩымыз инареиҳамкәа имҩаԥысуан. Уи аамҭа иҭагӡаны аԥсуа атеатр атруппа 35 репетициа мҩаԥыргеит.
Аспектакль иалахәуп 20-ҩык рҟынӡа артистцәа, урҭ рахьтә: Ҭеимураз Чамагәуа, Кьесоу Ҳагба, Адгәр Малиа уҳәа Аԥсны еицырдыруа актиорцәа.
Аспектакль "Шьапыла" Аԥсуа драматә театр асценаҿы иқәдыргылеит
17:23 30.11.2016 (ирҿыцуп: 17:25 30.11.2016)
© Sputnik / Томас Ҭҳаиҵыкә Бениаԥҳа Анжелика
Анапаҵаҩра
ЛИД Польшатәи ашәҟәыҩҩы Славомир Мрожек ипиеса иалху аспектакль "Шьапыла" апремиера мҩаԥысит Самсон Ҷанба ихьӡ зху Аԥсуа драматә театр асценаҟны аҩаша, абҵара ҩеижәижәба рзы.
