АҞӘА, ԥхынҷкәын 6— Sputnik. Апарламент ацхыраарала ихацыркхараны иҟоуп атәыла анапхгареи аоппозициатә мчрақәеи рыбжьара аполитикатә консультациақәа. Абри атәы аанацҳаит Аԥсны жәлар реизара апресс-маҵзура.
Атәыла Апарламент ааԥхьара ҟанаҵеит ареспублика аполитикатә мчрақәа зегьы аҽаанкылара аадырԥшларц, аус зуа азакәанԥҵара аҳәаақәа рҭыҵра алыдмыршарц, Аконституциа иқәныҟәаларц.
Абри аҩыза ақәҵара рыдыркылеит Апарламент аҟны атәылаҟны аҭыԥ змоу аполитика-уаажәларратә ҭагылазаашьа инадҳәаланы. Хықәкны иамоуп аҩныҵҟаполитикатә еибарххарақәа рырԥсыҽра, аҭагылазаашьа аҭышәныртәалара ҳәа арбоуп апресс-маҵзура адырраҟны.
Ақәҵара инақәыршәаны Апарламент иауалԥшьоуп аҳәынҭқарра аполитикатә система арӷәӷәара иазырхо, иахәҭаны иҟоу аконституциатә еиҭеиҿкаарақәа аус рыдулара.
