"Жәларбжьаратәи афонд Аԥсны" ахьӡала Ҭырқәтәыла хаҭарнакс дҟаҵоуп Џьенгиз Ашәба

© Фото : предоставлено Сырмой АшубаЏьенгиз Ашәба
Џьенгиз Ашәба - Sputnik Аҧсны
Анапаҵаҩра
Ҭырқәтәыла, Сҭампыл ақалақь аҿы иаартуп "Жәларбжьаратәи афонд Аԥсны" ахаҭарнакра аусбарҭа.

АҞӘА, ажьырныҳәа 20 – Sputnik. Сырма Ашәԥҳа. "Жәларбжьаратәи афонд Аԥсны" ахықәкы хадақәа ируакуп аҳәаанырцә инхо ҳдиаспореи ҳареи ҳаимадара арӷәӷәара,  ҳусеицура аҳәаақәа рымҽхак арҭбаара. Убри азгәаҭаны, Ҭырқәтәыла, афонд ахьӡала хаҭарнакс дҟаҵоуп   ҳџьынџьуаҩ Џьенгиз Ашәба. 

"Џьенгиз Ашәба,  аамҭаказы напхгара аиҭон  Ҭырқәтәыла еиҿкаау Аԥсуа хеидкылақәа рфедерациа. Илша рацәоуп, зыԥсадгьыл иаҟәыгоу ҳауаажәлар рџьынџь дгьыл радыԥхьалара аус аураҿы, Аԥсни аԥсуа жәлари еснагь рыгәҭа дгылоуп, илаԥш ҳәаа акыр ахара инаӡоит", — ҳәа азгәеиҭеит «Жәларбжьаратәи афонд Аԥсны" ахада Сенер Гогәуа.

Ажьырныҳәамза 20 аҽны, Ҭырқәтәыла, Сҭампыл ақалақь аҿы иаартуп "Жәларбжьаратәи афонд Аԥсны" ахаҭарнакра аусбарҭа.

Ажәабжьқәа зегьы
0