Анзор Агәмаа ишәҟәы "Старый Сухум" Аԥсны ашәҟәыҭирҭақәа рахь инагахоит

© Евгений Козырев / Амедиаҵәахырҭахь аиасраАрхивтә фото.
Архивтә фото. - Sputnik Аҧсны
Анапаҵаҩра
НовостиTelegram
Ашәҟәы "Старый Сухум" аӡыргара мҩаԥысраны иҟоуп Аурыс драматә театр афоие аҟны жәабран 1 азы, (асааҭ 15:00). Ашәҟәы атираж 1000 цыра ыҟоуп. Урҭ рыбжак ашәҟәыҭирҭақәа рахь инаргараны иҟоуп.

АҞӘА, ажьырныҳәа 25 — Sputnik, Бадри Есиава. Ашәҟәы "Старый Сухум" аӡыргара мҩаԥысраны иҟоуп Аурыс драматә театр афоие аҟны жәабран 1 азы, (асааҭ 15:00). Ашәҟәы атираж 1000 цыра ыҟоуп. Урҭ рыбжак ашәҟәыҭирҭақәа рахь инаргараны иҟоуп. Ашәҟәы рызкуп Аҟәа еиуеиԥшым аамҭақәа рзы имҩаԥысуаз аргыларақәа. Абри атәы ҳзааицҳаит Аԥсны акультуреи аҭоурых-культуратә ҭынха ахьчареи рзы аминистр лхаҭыԥуаҩ Баҭал Кобахьиа.

Ари акьыԥхьымҭа урысшәала абраҟа шәаԥхьар шәылшоит >> 

"Иҭыҵит еицырдыруаз аҭоурыхҭҵааҩ, археолог, асахьаҭыхыҩ Анзор Агәмаа ишәҟәы "Старый Сухум". Иара ианыԥшуеит ҩ-нызқь шықәса ирҭысхьоу ҳаҳҭнықалақь аҟны еиуеиԥшым аамҭақәа рзы имҩаԥысуаз аргыларақәа", — иҳәеит Кобахьиа.

Ашәҟәаҟны иара убасгьы иубарҭоуп ижәытәуи иҿатәуи афотосахьақәа, адокументқәа, рыӡбахә ҳәоуп апаркқәа, абаҳчақәа, ашҭақәа, ашколқәа, асанатор-курорттә обиектқәа, ааглыхратә хыбрақәа уҳәа ирацәаны.

"Старый Сухум" Аԥсны акультуреи аҭоурых-культуратә ҭынха ахьчареи рзы аминистрра ауснагӡатәқәа рҳәаа иҭагӡаны иҭыжьуп. Аҭыжьраҿ ацхыраара азыруит Аԥсны раԥхьатәи Ахада Владислав Арӡынба Ифонди аилахәыра "Аҟәафони".

Ажәабжьқәа зегьы
0