АҞӘА, жәабран 6 — Sputnik. Еиду Америкатәи аштатқәа рҳәынҭдепартамент аофициалтә хаҭарнак аҳәамҭа ҟаиҵеит Трамп идҵа иаҵанакыз аҳәынҭқаррақәа ртәылауаа ЕАШ (США) алалараз азин шроуа, урҭ авизақәа рымазар. Абри атәы аанацҳауеит РИА Новости.
"Ҳара авизақәа рганахь ала адокумент ҿыц азырхианы иҳамоуп. Авиза змоу дарбанызаалак азин имоуп атәыла алалареи алҵреи рзы", ҳәа аҳәоит аҳәамҭаҟны.
Ииасыз амчыбжь азы Дональд Трамп инапы аҵеиҩит Адҵа ҿыц. Уи инақәыршәаны 120 мшы рыҩныҵҟа Америка мап ацәнакуеит Шьамтәылатәи ахҵәацәа рыдкылара, атәыла алалараз аԥҟаррақәа арӷәӷәоит, иара убасгьы 90 мшы рыҩныҵҟа Ирак, Иран, Судан, Иемен, Ливиа, Сомали ртәылауаа ЕАШ (США) ралалара ааннакылоит.
Адҵа еиуеиԥшым агәаанагарақәа цәырнагеит. Иҟоуп иадгыло, иҟоуп иаҿагылогьы.
