АҞӘА, жәабран 7 – Sputnik, Амра Амҷԥҳа. Жәабран 8 рзы асааҭ 00:00 инаркны 18:00 сааҭ рҟынӡа ақалақь аҟны аӡыржәтә аиура аанкылахоит. Абри атәы аанацҳауеит Амуниципалтә унитартә наплакы "Аӡыканал".
Март 4 амҩаҟны аӡымҩангага аиҭашьақәыргыларатә усурақәа мҩаԥысраны иҟоуп жәабран 8 рзы убри инадҳәаланы жәабран 8 рзы асааҭ 00:00 инаркны 18:00 сааҭ рҟынӡа ақалақь аҟны аӡыржәтә аиура аанкылахоит.
"Аӡыканал" анџьныр хада Мераб Анқәаб иазгәеиҭеит:
"Аӡоужьра заанкылахо "Аӡыканал" иахҟьаны акәӡам. Аӡымҩангагақәа рышьҭаҵаразы атендер иаиааиз афирма уаанӡа абри амҩаҿ ишьҭаз атрубақәа ԥхасҭанатәит. Атрубақәагьы рықәра 70 шықәса рҟынӡа инаӡон, иажәхьан. Атруба ҿыц уаҵәы ишьҭарҵараны иҟоуп", — иҳәеит Анқәаб.
Иҳаҩсыз ахәашазы анасостә станциаҿ имҩаԥысуаз аусурақәа ирхырҟьаны аӡы ыҟамызт.
"Асоура ашьҭахь аҵаақәа аныҟала урҭ ззымычҳаз амыругақәа ҟалеит", — иҳәеит иара.
