АҞӘА, жәабран 8 – Sputnik, Бадри Есиава. Аҟәа ақалақьтә еизара адепутатцәа реизара мҩаԥысит. Амшхәаԥштә азҵаара ҳәа иқәгылаз ируакн Аҟәа ақалақь Аҩныҵҟатәи Аусқәа Русбарҭа аиҳабы иаҭара. Аҟәа ақалақь Аҩныҵҟатәи Аусқәа Русбарҭа аиҳабыс дшьақәырӷәӷәоуп Русҭам Мархолиа.
Ақалақь Ахада ихаҭыԥуаҩ Леон Кәарҷиа иазгәеиҭеит Русҭам Мархолиа иусураҟны ихы шааирԥшыз зҟазара ҳараку, ламысцқьала аус зуа иакәны.
"Ҳәарада ирацәоуп аобиективтә ҟазшьа змоу апроблемақәа, аха урҭ Аҟәа амацараҿ акәымкәа Аԥсны зегьы иҟоуп. Исҳәар сылшоит Русҭам Мархолиа иҿаԥхьа иқәгылоу аусдҵақәа зегьы ианаамҭо иахәҭоу азхьаԥшра аиҭоит ҳәа", азгәеиҭеит Кәарҷиа.
Ақалақьтә еизара ахантәаҩы Константина Ԥлиа иажәақәа рыла Русҭам Мархолиа аорганқәа рсистемаҿ аус иуеит 17 шықәса инарзынаԥшуа. Русҭам Мархолиа диит Гәдоуҭа араион Аацы ақыҭан 1982 шықәса рзы. Аҩныҵҟатәи аусқәа рсистемаҿ аус иуеит 1999 шықәса раахыс.
