Асахьаҭыхыҩ иҳаҩсыз ашықәсан раԥхьаӡакәны иусумҭақәа арҿиаратә еицлабратә конкурс иалаирхәырц азыиӡбеит. Анаҩсан иреиӷьу аусумҭа ҳәа иазгәаҭан иагьалкаахеит. Иара аус адиулоит аихаӡа. Аҳәызба, аҟама, аҳәа арҭ амаҭәарқәа ҳмилаҭтә ҭоурых иахәҭакуп.
Ҭемыр Ӡиӡариа далацәажәеит аус здиуло аихаӡа, ҳажәлар рҭоурых аҿы иамоу азҿлымҳара атәы
"Ҳара ҳгәы иаанагоит, аԥсуаа ирымаз аихаӡатә бџьарқәа маҷуп ҳәа. Аха ус акәӡам ишыҟоу, 100 инеиҳаны абџьар хкқәа ҳаман аԥсуаа. Уи зегь аҭҵаара аҭахуп", — иҳәеит Ӡиӡариа.
Адунеи аҿы уажәшьҭа ирдыруеит аԥсуа ҳәызба хаз бџьарны ишышьақәгылахьо, ажьиҩцәа иҭрыжьуа акаталогқәа ирнуп, уи ажәлар ирыбзоуроуп, ҳәа азгәеиҭеит асахьаҭыхыҩ Ӡиӡариа.
