АҞӘА, жәабран 15 – Sputnik, Бадри Есиава. Аҟәа ақалақь аҟны илеиз асы иахҟьаны аамҭала атроллеибусқәа рныҟәара аанкылоуп, ҳәа ҳкорреспондент изеиҭеиҳәеит Аҟәа ақалақь Ахада ихаҭыԥуаҩ Леон Кәарҷиа.
"Асеиԥш иҟоу амшцәгьа аан атроллеибусқәа рныҟәара залшом, аха егьырҭ автотранспорттә хархәагақәа рныҟәара ԥкым", — иҳәеит Кәарҷиа.
Кәарҷиа иара убасгьы иазгәеиҭеит ақалақь ауааԥсыра рымаҵ ауразы аусурахь ишҭыҵыз реиҳа аԥышәа змоу амашьынарныҟәцаҩцәа. Иара иажәақәа рыла атранспорт аныҟәара уаанӡеиԥш иҟамзаргьы ақалақьуаа шьапыла аныҟәара рықәшәом.
