АҞӘА, жәабран 16 — Sputnik. Аԥсны иҟоу Урыстәыла Аладатәи арратә округ арратә база атанкистцәа аҽазыҟаҵарақәа мҩаԥыргеит Краснодартәи атәылаҿацә аҟны иҟоу аполигон "Молькино" аҟны, иҿыцӡоу атанкқәа Т-72Б3 рыла. Абри атәы аанацҳаит Аԥсны иҟоу Урыстәыла Аладатәи арратә округ Апресс-маҵзура.
Ауснагӡатәқәа рыҽрыладырхәит 100-ҩык аррамаҵзурауаа, ахархәара рыҭан 30 рҟынӡа арратә техника, атанкқәа Т-72Б3, икәлаӡырку автомашьынақәа КамАЗ "Мустанг", ҳәа аҳәоит адырраҭараҟны.
Апресс-маҵзура адыррақәа рыла атанкқәа рекипажқәа ахысрақәа мҩаԥыргон Т-90А иақәыргылоу апулемиот "Корд" ала.
