АҞӘА, жәабран 20 — Sputnik. Агәыҳалалратә акциа аҳәаақәа ирҭагӡаны уахыки-ҽнаки ирылагӡаны Шьамтәылатәи ақалақьқәа Латакиа, Холмс, аиланхарҭа ҭыԥ Хауш-Султан ауааԥсыра ирзынашьҭуп аа-тоннак афатә-ажәтә. Акциа мҩаԥнагеит аинышәаразы Урыстәылатәи ацентр. Абри атәы аанацҳауеит РИА Новости.
"Аиныршәаразы Урыстәылатәи ацентр имҩаԥнагеит агәыҳалалратә акциақәа хԥа ақалақьқәа Латакиеи Хомси иара убас Дамаск апровинциа иатәу аиланхарҭатә ҭыԥ Хауш-Султани рҟны. Иааидкыланы агәыҳалалратә еидара ишьақәнартәеит 8,8 тонна", — ҳәа арбоуп адырраҭараҟны.
Иара убасгьы аҳаиртә баӷәаза Хмеимим ахь аҳаирплан Ил-76 ала инагоуп Ермантәылатәи Ареспублика иҟанаҵаз агәыҳалалратә еидара, аиҳарак амаҭәа ԥха.
Ацхыраара адагьы имҩаԥысуеит аинфраструктура аиҭашьақәыргыларатә усқәа, ауаа аамҭала ахыҵакырҭақәа рыҭара.
