Sputnik, Амра Амҷԥҳа
Жәабран 19 шьыжьы инаркны Аҟәа ақалақьтә еизара адепутатәеи аволантиорцәеи Аботаникатә баҳчахь инеиит. Аиха, аигәышә, абаҳа, аҽага зҳәаз иеиԥш ирымԥыхьашәоз, аусураз иахәҭаны иҟоу рыманы. Аусурақәа нап ддыркит абаҳча аҭаларҭа инаркны.
"Амра шыԥхогьы асы ықәымҵыц. Уажәнатә иқәгамзар нас иқәҵаауеит, лассамҭагьы ишьҭахоит", — иҳәеит ацхырааҩцәа руаӡәк.
Абаҳчаҿ асы-хьанҭа аԥхасҭа маҷымкәа иҟанаҵеит. Убас чилитәи араукариа изҵалаз ахьанҭара азымычҳакәа ихжәеит.
"Хәызмам ҵлан. Дара рыжәла Аԥсны имаҷуп", — иҳәеит аботаника Аинститут адиректор Едуард Гәбаз.
Абаҳча иаҭааз аусуҩцәа рҽеихыршеит. Џьоукы амҩақәа дрыцқьон, аҽа џьоукы ихыжәжәаз амахәқәа еизыркуан, аӡӷабцәа асы иаҵахан игылаз ашәҭқәа ашәыб рықәдыршәшәон.
"Асоура ӷәӷәа ашьҭахь абаҳча ахы-аҵыхәа зегьы анапы аҭахуп. Аԥхьатәи амшқәа рзы аҵлақәеи аҵиаақәеи ашәыб рықәдыршәшәон, амахәқәа рхы иақәиҭыртәуан. Уажәазы асы ззышьҭымхыз амахәқәа еизактәуп. Сара сгәахәара ду снаҭоит ақалақьтә еизара адепутатцәа ргәаҳәара. Урҭ ауаа еизганы цхыраара ҳәа иаҳзааиит", — иҳәеит Едуард Гәбаз.
Аботаникатә баҳча Аҟәа иреиӷьӡоу, сас дызмаҩсуа ҭыԥуп.
"Ақалақьтә еизара аиҳабы Константин Ԥлиа иаԥшьгара зегь ҳаигәырӷьан иҳадаҳкылеит", — лҳәеит Инна Кәарҷиаԥҳа.
Аҟәатәи аботаникатә баҳча шьаҭаркын 1838 шықәса рзы. Ара ирызҳауеит хә-нызқь рҟынӡа ҵиааи ҵлеи рыхкқәа.
