Кристина Ешԥҳа: Аҟәатәи аконцерт азы сымчқәа еизыскуеит

© Фото : страница пользователя в ФейсбукАԥснытәи аҳәынҭқарратә филармониа асолист Кристина Ешԥҳа
Аԥснытәи аҳәынҭқарратә филармониа асолист Кристина Ешԥҳа - Sputnik Аҧсны
Анапаҵаҩра
Аԥснытәи аҳәынҭқарратә филармониа асолист Кристина Ешԥҳаи Шәачатәи аҳәынҭқарратә филармониа асолист Валериа Афиногеновеи Аҟәа, жәабран 28 рзы аконцерт еицымҩаԥыргараны иҟоуп.

АҞӘА, жәабран 24 – Sputnik, Бадраҟ Аҩӡба. Аԥснытәи аҳәынҭқарратә филармониа асолист Кристина Ешԥҳаи Шәачатәи аҳәынҭқарратә филармониа асолист Валери Афиногенови Аҟәа, жәабран 28 рзы аконцерт еицымҩаԥыргараны иҟоуп. Ҳкорреспондент дзыҿцәажәоз Кристина Ешԥҳа илҳәеит абри аконцерт ахы лымчқәа шеизылкуа.

"Лукеи сареи лассы-лассы Урыстәыла ақалақьқәа рҟны аконцертқәа еиҿаҳкаауеит. Аҟәатәи аконцерт нарылукаауа иҟалар сҭахуп. Сара сзы уи акраҵанакуеит", — лҳәеит ашәаҳәаҩ.

Кристина Ешԥҳа иазгәалҭеит апрограмма акамератә музыкала ишышьақәыргылоу.

"Жәабран 28 рзы аԥсуа зыӡырыҩцәа ираҳараны иҟоуп Чаиковски иромансқәа", — лҳәеит лара.

Кристина Ешԥҳа еиҭалҳәеит Валериа Афиногеновеи лареи изныкымкәа аконцертқәа шеицымҩаԥыргахьо.

"Валериа Николаи-иԥҳа даара зҟазара дуу музыкантуп. Аус лыцура маншәалоуп. Лара лассы-лассы лконцертқәа рахь сналыԥхьоит, ҳаицықәгылоит", — лҳәеит Ешԥҳа.

Аконцерт мҩаԥысраны иҟоуп жәабран 28 асааҭ 18.00. рзы.

Ажәабжьқәа зегьы
0