АҞӘА, хәажәкыра 1 – Sputnik. НАТО ахаҭарнак Оана Лунгеску Аԥсны аҳәара азыҟалҵеит арҭ аушьҭырҭатә ҭыԥқәа адмыркырц азы. Абри атәы аанацҳауеит РИА Новости.
Лунгеску иазгәалҭеит: "Арҭ аушьҭырҭатә ҭыԥқәа раркра аҭагылазаашьа дыруадаҩуеит, ауаа реиҭанеиааира ԥнакуеит, рыбзазара иҵоурам анырра анаҭоит", ҳәа.
Иара убри аан лара илҳәоит НАТО Қырҭтәыла аҵакыратә акзаара ишадгыло, Урыстәылахь ааԥхьара шыҟанаҵоу Аԥсни Аахыҵ Уаԥстәылеи ихьыԥшым ҳәынҭқаррақәоуп ҳәа иахьазханаҵаз мап ацәнакырц.
Аԥсны Аминистрцәа Реилазаара аӡбрала аԥсуа-ақырҭуа ҳәааҟны Набакиеи Отобаиеи роушьҭырҭатә ҭыԥқәа аркхоит. Аха иара убри аан ақыҭа Папынырхәаҿ иҟоу аушьҭырҭатә ҭыԥи ЕгрыГЕС амаҵ ауразы ҷыдала рхы иадырхәо аушьҭырҭатә ҭыԥи русура иацырҵоит.
