Микрофон  - Sputnik Аҧсны
Арадио

Ԥлиаԥҳа: агәра ганы сыҟан Қарҭҭәыла Апарламент ахь алхрақәа шрыдрымкылоз

© Sputnik / Томас ТхайцукАполитолог Далила Ԥлиаԥҳа
Аполитолог Далила Ԥлиаԥҳа - Sputnik Аҧсны
Анапаҵаҩра
Аԥсны имҩаԥысыз алхрақәа азхаҳҵом ҳәа НАТО иҟанаҵаз аҳәамҭазы лгәаанагарала лҳәеит аполитолог Далила Ԥлиаԥҳа.

Аԥсны Жәлар реизарахь акандидатцәа ралхра закәандароуп, ҳәа аҳәамҭақәа шыҟалоз аадыруан, ҳәа  лҳәеит аполитолог Далила Ԥлиаԥҳа. Аполитолог лажәақәа рыла, зегь раԥхьа иргыланы иҳәатәуп, Аԥсны Жәлар риезарахь алхрақәа даара ицәгьамкәаны имҩаԥысит. Акандидатцәа рхыԥхьаӡара ахьырацәаз бзиоуп, лҳәеит лара.

НАТО иҟанаҵаз аҳәамҭа дахцәажәеит аполитолог Далила Ԥлиаԥҳа

"Убри аҟынӡа акандидатцәа рхыԥхьаӡара рацәан, уи иаанаго акоуп — ажәлар ирнырны ирҭахуп Апарламент ахь анеира. Убас иаԥуп, егьырҭ аҳәынҭқаррақәа рҟынтә алхрақәа рахь жәларбжьаратәи анаԥшцәа аарыԥхьоит, дара алхрақәа реиҿкаашьа зеиԥшроу гәарҭоит. Егьырҭ реиԥш ҳаргьы еснагь иааҳаԥхьоит анаԥшцәа, сынтәа иҟан Арцахынтә, Преднестровиантәи, Урыстәылантәи, ажәакала имаҷӡамызт. Урҭ зегьы инеицҿакны иазгәарҭеит алхрақәа иманшәаланы имҩаԥысит ҳәа", — ҳәа лҳәеит Далила Ԥлиаԥҳа.

Аполитолог илҳәеит, агәра ганы дшыҟаз Қарҭҭәыла арҭ алхрақәа шрыдрымкылоз.

Ажәабжьқәа зегьы
0