Аԥснытәи алицеистцәа Москваҟа аробатқәа ргоит

© Фото : предоставлено Александром ТанакбаевымАԥснытәи алицеистцәа Москваҟа аробатқәа ргоит
Аԥснытәи алицеистцәа Москваҟа аробатқәа ргоит - Sputnik Аҧсны
Анапаҵаҩра
Гагратәи алицеи-интернат арҵаҩцәеи аҵаҩцәеи рхы аладырхәуеит VI жәларбжьаратәи анаука-практикатә конференциа "Ҳдыррақәа еидаҳкылап" ахь. Аконференциа мҩаԥысраны иҟоуп хәажәкыра 24-26 рзы.

АҞӘА, хәажәкыра 22 — Sputnik, Бадри Есиава. Гагратәи алицеи-интернат арҵаҩцәеи аҵаҩцәеи рхы аладырхәуеит VI жәларбжьаратәи анаука-практикатә конференциа "Ҳдыррақәа еидаҳкылап" ахь. Аконференциа мҩаԥысраны иҟоуп хәажәкыра 24-26 рзы.

VI жәларбжьаратәи анаука-практикатә конференциа "Ҳдыррақәа еидаҳкылап" ахь дара иргоит аробототехникаҿ рхатә усумҭақәа, ҳәа ҳаиҳәеит Гагратәи алицеи-интернат апроект-ҭҵааратә усура акуратор Альберт Туктаров.

"Аконференциа ҳара уажә хынтәуп ҳалахәужьҭеи. Аробототехниказы апроектқәа хԥеи аматематиказы проектки ҳаманы уахь ҳцоит", — иҳәеит Туктаров.

Аробототехника акружок анапхгаҩы Александр Танакбаев иаҳзеиҭеиҳәеит, ароботқәа ахәыҷтәы хәмарга "Лего" ишалху, аха ирыӷроу адатчикқәеи харантәи анапхгараҭара амодульқәа уҳәа роуп.

"Ароботқәа руак ДЦП змоу ахәыҷқәа анбанқәеи ахыԥхьаӡарақәеи рҵараҿы ирыцхраауеит, ампыл ирыцасуеит, ирыцәажәоит. Егьи – аҩнтәы ԥстәқәа рхылаԥшра алшоит", — еиҭеиҳәоит Танакбаев.

Иара иажәақәа рыла аҩбатәи аробот иалшоит аԥстәқәа акрырҿаҵара, уи азы ахәы зҭоу акорпус аартрала, рыцыхәмарра. Аробот "нянька" видеокамерала еиқәыршәоуп.

"Ахԥатәи аробот аҳауа арыцқьара иазырхоуп. Иара аҳауа ахьыҟьашьу инеины иарыцқьоит. Иара ахышәа-ҵышәа 25 — 35 сантиметра роуп иҟоу", ҳәа азгәеиҭоит Александр Танакбаев.

VI жәларбжьаратәи анаука-практикатә конференциа "Ҳдыррақәа еидаҳкылап" аҳәаақәа ирҭагӡаны Аԥснытәи ашколхәыҷқәа иӡырыргоит рхаҭақәа иаздырхиаз адунеи ажәларқәа рынхарҭақәа ирызку афильм.

Ажәабжьқәа зегьы
0