АҞӘА, хәажәкыра 28 — Sputnik, Бадри Есиава. Гагратәи алицеи-интернат ааӡамҭацәеи арҵаҩцәеи алахәын VI жәларбжьаратәи анаука-практикатә конференциа "Ҳдыррақәа еидаҳкылап". Аконференциа мҩаԥысуан Москва, хәажәкыра 24-26 рзы. Аконкурс аҟны дара рпроект "Наглядное доказательство теоремы Пифагора" ахԥатәи аҭыԥ ааннакылеит. Абри атәы ааицҳаит гагратәи алицеи-интернат апроект-ҭҵааратә усура акуратор Альберт Туктаров.
"Рашид Кәшбеи Шьауҭ Ҵнариеи рпроект "Наглядное доказательство теоремы Пифагора" ахԥатәи аҭыԥ ааннакылеит. Аконференциа аркраан имҩаԥгаз аныҳәа ҳалахәын. Адель Какубааԥҳаи Дауҭ Гәбази еицынарыгӡаз аԥсуа кәашара зегьы иргәаԥхеит", ҳәа еиҭеиҳәоит Туктаров.
VI жәларбжьаратәи анаука-практикатә конференциа "Ҳдыррақәа еидаҳкылап" аҳәаақәа ирҭагӡаны Аԥснытәи ашколхәыҷқәа иӡырыргеит Витторио Черқьезиа иазирхиаз адунеи ажәларқәа рынхарҭақәа ирызку афильм.
Гагратәи алицеи-интернат арҵаҩцәеи аҵаҩцәеи рхы аладырхәуеит VI жәларбжьаратәи анаука-практикатә конференциа "Ҳдыррақәа еидаҳкылап" ахь. Иара иалахәын Румыниа, Чехиа, Италиа, Аԥсны, Молдова, Китаи, Латвиа, Ҟазахсҭан, Урыстәыла рҟынтәи ашколхәыҷқәа.
