АҞӘА, мшаԥымза 13 — Sputnik, Бадри Есиава. Ралли азы Урыстәыла Ахраҿа мҩаԥысуеит есышықәса. 2012 шықәса рзы аспортхкқәа рзы Урыстәылазегьтәи ареестр иалагалалоуп. Урыстәылатәи автомабилтә федерациа ақәшаҳаҭхеит Аԥснытәи аспортсмен Ҭимур Саломко итәыла абираҟ даҵагыланы аралли азы Урыстәыла ачемпионат далахәхарц. Абри атәы ҳзааицҳаит Ҭимур Соломко.
"Абри аспортхкы снапы аналаск инаркны сара исҭахын Аԥсны абираҟ саҵагыланы аиндаҭларақәа срылахәхарц. Уажәы уи аҩыза аҭагылазаашьа соуит", — иҳәоит Саломко.
Иара иазгәеиҭеит Аԥсны ҩышықәса раахыс аралли азы аицлабрақәа еиҿызкаауа, абри аспортхкы аҿар рыбжьара иӡырызго афедерациа аус шауа.
Мшаԥымза 21-22 рзы Саломко иекипаж Москва имҩаԥысуа "Rally master show 2017" иалахәхоит.
Аралли азы Урыстәыла Ахраҿа 2012 шықәса рзы аспортхкқәа рзы Урыстәылазегьтәи ареестр иалагалоуп.
