АҞӘА, мшаԥымза 25 – Sputnik, Бадраҟ Аҩӡба. Карате кекусинкаи азы иаарту Азиа ачемпионат мҩаԥысуан мшаԥымза 21 — 23 рзы, Астана ақалақь аҟны. Иара иалахәын 600-ҩык рҟынӡа Урыстәылеи, Ҟазахсҭани, Иапониеи, Азербаиџьани, Польшеи, Ҭырқәтәылеи, Киргизиеи, Ирани, Венгриеи, Естониеи, Аԥсни рҟынтәи аспортсменцәа.
"Аԥсны еизгоу, 12-13 шықәса зхыҵуа (хҩык), 14-17 шықәса зхыҵуа (ԥшьҩык) ақәыԥшцәа ркоманда ахьӡала иқәгылон: Инал Парцхалиа, Наур Аџьынџьал, Сергеии Илиеи Дочиаа, Александр Амельченко, Леон Блаб, Шьааб Ҵәыџьба. Аицлабрақәа реихшьаалақәа инарықәыршәаны хҩык ҳаспортсменцәа ирылшеит афиналбжахь анеираз ақәгылара. Урҭ рахьынтәи Наур Аџьынџьал афиналбжаҿы Ҟазахсҭантәи аспортсмен диааит, араӡны медал ианашьахеит", — иҳәеит иара иазыҟаҵаҩ.
Наур Аџьынџьал дазыҟаиҵон Витали Ҷыҭанаа.
"Афиналбжахь Наур Урыстәылатәи аспортсмен диааины днеиит. Афинал ахь Таџьыкысҭантәи аспортсмени иареи еицнеиит, аха аиааира аҭаџьык игеит. Наур аҩбатәи аҭыԥ ианашьахеит", — иҳәеит Ҷыҭанаа
Карате кекусинкаи азы иаарту Азиа ачемпионат мҩаԥысуан мшаԥымза 21 — 23 рзы, Астана ақалақь аҟны. Иара иалахәын 600-ҩык рҟынӡа Урыстәылеи, Ҟазахсҭани, Иапониеи, Азербаиџьани, Польшеи, Ҭырқәтәылеи, Киргизиеи, Ирани, Венгриеи, Естониеи, Аԥсни рҟынтәи аспортсменцәа.
