Ашәа еиԥшыз аԥсҭазаара: Ражьден Гәымба диижьҭеи 90-шықәса аҵра азгәарҭон

© Sputnik / Томас ТхайцукРажьден Гәымба диижьҭеи 90-шықәса аҵра азгәарҭон
Ражьден Гәымба диижьҭеи 90-шықәса аҵра азгәарҭон - Sputnik Аҧсны
Анапаҵаҩра
НовостиTelegram
Дырмит Гәлиа ихьӡ зху Аҳәынҭқарратә премиа алауреат, аорден "Ахьӡ-аԥша" II аҩаӡара занашьоу, Аԥсны жәлар рартист, акомпозитор Ражьден Гәымба диижьҭеи 90-шықәса аҵра ахьӡала Аԥснытәи Аҳәынҭқарратә филармониаҟны имҩаԥысит аныҳәатә концерт.

Sputnik, Анжелика Бениаԥҳа

"Сара сцәаныррақәа амузыка ала иаасырԥшуеит. Изыҩуа зегьы ԥсҭазаароуп. Сара сашәа – сара сыԥсҭазаароуп", Ражьден Гәымба абарҭ иажәақәа рыла иаартын аконцерт.

Дырмит Гәлиа ихьӡ зху Аҳәынҭқарратә премиа алауреат, аорден "Ахьӡ-аԥша" II аҩаӡара занашьоу, Аԥсны жәлар рартист, ауаажәларратә усзуҩ, акомпозитор, адирижиор Ражьден Гәымба аԥсуа профессионалтә музыка ахыҵхырҭаҟны дгылан. Акомпозитор ирҿиамҭақәа Аԥсны амилаҭтә музыкатә ҟазара иахәҭакуп.

Акомпозитор, ашәаҳәаҩ Кәасҭа Ченгьелиа - Sputnik Аҧсны
Кәасҭа Ченгьелиа: Ражьден Гәымба амелодиа аԥҵара дазҟазан

Аҳәынҭқарратә филармониа асахьаркыратә напхгаҩы Есма Џьниаԥҳа аиубилеитә концерт аҟны илҳәеит ауснагӡатә амҩаԥгара 2016 шықәса цәыббрамзазы ишазгәаҭаз, аха инарҭбааны иазгәаҭазарц арыцхә инахеит ҳәа.

Акультура аминистрра адгыларала еиҿкааз аконцерттә программа иаҵанакуан Ражьден Гәымба ирҿиамҭақәа реиԥш Аԥсны ааигәа инармыгӡацыз арҿиамҭақәагьы.

Аконцерт иалахәын: Аҳәынҭқарратә хортә капелла, аҳәынҭқарратә симфониатә оркестр, ашәаҳәаҩ Нана Черқьезиаԥҳа, ашәаҳәаҩ Асҭамыр Кәыҵниа.

Аԥсуа фольклор акомпозитор итема хадақәа ируакын. Аибашьра атематика акәзар, дышқәыԥшыз ирҿиара иалалеит. 14 шықәса анихыҵуаз раԥхьатәи зашәақәа зҩыз Ражьден Гәымба анотатә грамота издырамызт, иҷыдоу адыргақәа рыла иаирбон имузыка.

Ражьден Гәымба диит цәыббра 12, 1926 шықәса рзы, Дәрыԥшь ақыҭаҿ.

Иабду, жәлар шәаҳәаҩ, ажәабжьҳәаҩ Мамсыр бзиа ибон имоҭа абыргцәа ахьеизоз инагара. Усҟан иаҳаз ашәақәа изаадыртит ижәлар рҭоурых. Қырҭтәыла жәлар рҟазара Аҩнаҟны ахор адирижиорцәа ркурс даналга ашьҭахь Ражьден Гәымба аусура далагоит Чхорцҟәыл араион аҟны. 1955 шықәса рзы Аԥсныҟа дхынҳәуеит. Жәлар рашәаҳәареи рыкәашареи Аҳәынҭқарратә ансамбль напхгара аҭара далагоит. Усҟантәи аамҭазы иарак акәын профессионалтә коллективны Аԥсны иҟаз.

Ражьден Гәымба ирҿиамҭақәа нарыгӡоит бырзентәыла, Франциа, молдавиа рхортә коллективқәа.

Иԥсҭазаара далҵит 2007 шықәса нанҳәа 21 рзы.

Ажәабжьқәа зегьы
0