"Афырхацәа рымҩала": Екатерина Бебиаԥҳа арратә журналистика дазааҭгылоит

© Sputnik / Томас ТхайцукАжурналист Екатерина Бебиаԥҳа
Ажурналист Екатерина Бебиаԥҳа - Sputnik Аҧсны
Аԥсуа радио ароль ду нанагӡеит Аԥсны жәлар Рџьынџьтәылатә еибашьраан. Иара иалшеит аинформациатә ҿагылара ду амҩаԥгара. Усҟантәи аамҭазы адунеи аҟны реиҳа иззыӡырыҩуаз арадиостанциақәа жәаба рхыԥхьаӡарахь иаҵаркхеит.

Автортә дырраҭара "Афырхацәа рымҩала", еиуеиԥшымыз аиԥыларақәеи аиҿцәажәарақәеи рыӡбахә далацәажәеит ажурналист Екатерина Бебиаԥҳа, Sputnik акорреспондент Рада Ажьиԥҳа лԥылараан.

Гәдоуҭа аусура иалагаз Аԥсуа радио раԥхьатәи амшқәа инадыркны адырраҭара "Афырхацәа рымҩала" аефир ахь иҭыҵуа иалагеит. Адырраҭара авторрагьы амҩаԥгарагьы еиҿылкаауан Аԥсуа радио аредактор, Аԥсны Атәылахьчара аминистрра арратә корреспондент, ажурналист Екатерина Бебиаԥҳа.

Аԥсуа радио 70-тәи ашықәсқәа раан амаҵ азызуаз: аредактор хада Артиом Амқәаб, акорреспондентцәа Владимир Аҳашба, Елена Гәнԥҳа, Семион Адлеиба, апрограмма аҭыжьҩы Ҭамара Хышԥҳа. - Sputnik Аҧсны
Аԥсуа радио ахаҿқәа

"Адырраҭара "Афырхацәа рымҩала" аҟны сара схы иасырхәон адокументалтә материалқәа, аибашьра ахҭысқәа, агәалашәарақәа. Ҷыдала азхьаԥшра рысҭон иҭахаз аибашьцәа, урҭ рҭаацәарақәа, аҩызцәа ргәалашәарақәа. Адырраҭаразы аҭаҩрақәа реиҳарак афронт ацәаҳәаҟны имҩаԥызгон. Аибашьцәа ирыцны, шьаҿа-шьаҿала сдырраҭарагьы аиааирахь инеиуан", — лҳәоит Бебиаԥҳа.

Ажурналист лархив аҟны иаанханы иҟоуп аибашьцәа лыхнытәи Гьаргь Шьаҟрыл, Гәыԥтәи Александр Ԥачлиа, Кәтолтәи Емма Чагәааԥҳа, Џьгьардатәи Мизан Ашәба уҳәа аефираҿ рықәгыларақәа. Дара аиҳарак излацәажәоз излахәыз, излаԥшыз ахҭысқәа роуп.

"Ахаан исхашҭуам атанкистцәа Роман Гериа, Александр Ԥачлиа, Ахра Лакрба рекипаж ражәабжьқәа анҭазыҩуаз. Абри ҳаиҿцәажәара ашьҭахь хара имгакәа Александр Ԥачлиа дҭахоит. Иара Гәыԥ иааӡаз ҷкәынан, аха

Гәдоуҭатәи абаталион аҟны деибашьуан аиҿцәажәараан иара иҳәеит: "Мрагыларатәи афронт, салам шәысҭоит. Шәгәы кашәмыжьын. Шәеидгыл аӡәк иеиԥш" ҳәа. Иара убриаҟара даартын, ачча-хәмарра бзиа избоз уаҩын – иԥсра хьаа дуны исзыҟалеит", ҳәа еиҭалҳәоит Екатерина.

"Афырхацәа рымҩала" аҟны арадиочеркқәа рызкын иреиӷьӡақәаз ҳарԥарцәа, ҳаибашьцәа: археолог Мушьни Хәарцкиа, аҵарауаҩ-афизик Адгур Инал-иԥа, аԥырҩы Олег Ҷанба, атанкист Роберт Кәарҷиа, хатәгәаԥхарала Аԥсны иааны еибашьуаз Адам Хуадеи, Хасан Алхасов.

Архивтә фото - Sputnik Аҧсны
Аԥсуа радио "адгьыл ду" аҟны

"Џьоукы-џьоукы рзы ажәыларахь рцара аламҭалаз адырраҭарақәа рҟны исарҳәоз ажәақәа ҵыхәтәантәихон. Иҟан аибашьцәа, дара анҭахалак ашьҭахь зыбжьы аефир ахь инагахоз", — лҳәоит ажурналист.

Асеиԥш иҟаз арадиоочеркқәа аибашьцәа ргәы шьҭнахуан иҳәоит Аԥсны жәлар рартист Тото Аџьапуа.

Аԥсуа радио аефир аҟны ирылацәажәон Урыстәыла, Ҭырқәтәыла, Нхыҵ Кавказ рҟынтәи хатәгәаԥхарала иааны иҳавагылаз, иҳацеибашьуаз, аерман баталион алахәылацәа, лассы-лассы иқәгылан ицәажәон Аԥснытәи аҳәынҭқарратә университет арҵаҩцәа, иҭахаз рҭаацәа.

"Аибашьра раԥхьатәи амш инаркны иааилгаанӡа сара иазсырхиеит 200 инарзынаԥшуа дырраҭара. Исылшеит схатәы архив аиқәырхара. Иара 163 аудиокассетет акассетақәа ирныз ахьызыҩуаз аблокнотқәа ҩбеи ыҟоуп. Исзынханы исымоуп Аԥсны раԥхьатәи Ахада Владислав Арӡынба иан лыҿцәажәара, Аԥсны Афырхаҵа, аԥшыхәратә гәыԥ аиҿкааҩ Едуард Ажьиба уҳәа ирацәаҩны рыҿцәажәара. Сара сархив акыр сахӡыӡаауеит", — лҳәоит Бебиаԥҳа.

Екатерина Бебиаԥҳа агәра лгоит Аԥсуа радио аибашьраан ажәлар ргәышьҭыхразы, амч-алшара рылаҵаразы иҟанаҵаз акыр ишьардоуп ҳәа.

Ажәабжьқәа зегьы
0
Раԥхьа аҿыцқәаРаԥхьа ажәытәқәа
loader
АЕФИР АҾЫ
Заголовок открываемого материала
Жәларбжьаратәи
InternationalEnglishАнглыз бызшәаMundoEspañolАиспан бызшәа
Европа
DeutschlandDeutschАнемец бызшәаFranceFrançaisАфранцыз бызшәаΕλλάδαΕλληνικάАбырзен бызшәаItaliaItalianoАиталиа бызшәаČeská republikaČeštinaАчех бызшәаPolskaPolskiАполиак бызшәаСрбиjаСрпскиАсерб бызшәаLatvijaLatviešuАлатыш бызшәаLietuvaLietuviųАлитва бызшәаMoldovaMoldoveneascăАмолдав бызшәаБеларусьБеларускiАбелорус бызшәа
Алада Кавказ
ԱրմենիաՀայերենАерман бызшәаАҧсныАҧсышәалаАԥсуа бызшәаХуссар ИрыстонИронауАуаԥс бызшәаAzərbaycanАzərbaycancaАзербаиџьан бызшәа
Ааигәа Мрагылара
Sputnik عربيArabicАраб бызшәаTürkiyeTürkçeАҭырқә бызшәаSputnik ایرانPersianФарсиSputnik افغانستانDariДари
Агәҭантәи Азиа
ҚазақстанҚазақ тіліАҟазах бызшәаКыргызстанКыргызчаАҟырӷыз бызшәаOʻzbekistonЎзбекчаАузбек бызшәаТоҷикистонТоҷикӣАҭаџьықь бызшәа
Мрагыларатәии Алада-Мрагыларатәи Азиа
Việt NamTiếng ViệtАвиетнам бызшәа日本日本語Аиапон бызшәа中国中文Акитаи бызшәа
Алада Америка
BrasilPortuguêsАпортугал бызшәа